رد: قصة من تأليف أعضاء BoYaT & MaNicH

من طرف راقص القبور الثلاثاء مارس 08, 2011 10:31 pm

بييييييييييه وحتى بالتسعينات بالكويت كانو يلعبونها واكثر الشلل اللي قدرت تلعبها للنهاية شله الكبسولة بقطعه 9 وشلة الرنق
ههههههههههه ان شاء الله بحط بارت بس جد ماعندي وقت هاليومين بس ان شاء الله اكتب بعد شوي

من طرف ???? الأربعاء مارس 09, 2011 10:02 am

خوش قصة رقوص اما سالفة ام سراويل انتيكا، بس اول مره ادري ساره مغيره ديانته مممممممممم يلا نتنظر البقيه .

من طرف راقص القبور الجمعة أبريل 01, 2011 8:16 am

سووووري طولت على هالبارت

صار موعد العملية والكل خايف كانهم عاشوا مع سارة طول عمرهم ولا كانها كانت طفولة خاطفة وسريعه
زينب و شوق ودلال ومها مع سارة بالمستشفى اللي تجهز الغرفة عدل واللي تجهز اغراض سارة واللي تقرى قرآن واللي تسولف معاها وتقويها واهي لابسه لبس العمليات اما بالنسبة للشباب بدر
وناصر وسلطان كانو مع هدى اللي كانت مع ابوها عشان اول ما يدشون غرفة العمليات توقع على عملية البيع والشراء وطبعا سارة سوت توكيل بناصر كونها تثق فيه من قبل وكان بحضور محاميين
واحد من طرف سارة والثاني من طرف منصور
سارة على السدية مودينها لغرفة العمليات ومعاها كل البنات يمسحون دموعهم كانهم بيودعونها لاخر مرة وسارة تطالعهم بنظرات خوف بس طبعا كالعادة سارة ماتحب تبين خوفها لاي شخص
مها : الله يهون عليج يارب ونرد نشوفج
سارة : شدعوة الله يهداج رايحة اولد ههههههههههههه <<< تحاول تبعد الخوف عنها وعن رفيجاتها
زينب : سروي بليز بليز بليز شدي حيلج مانبي نفقدج
سارة : امبيه شفيكم شنو هذا رايحة امتحان شنو اشد حيلي؟
البنات : ههههههههههههههههه
دلال : مو خايفه؟
سارة : my god will be with me
شوق : ماراح ادعي بشي عشان لا تقولين شدعوة رايحة كذا او كذا ههههههههههه بس يلا عاد بلا مياعه ترى ناطرتج تسولفين لي كل شي عن امريكا
سارة : من عيوني
وانتهى حديث البنات بوصول سارة لغرفة العمليات اللي كان فيها منصور الممرضات حطوا سده سارة على يسار سدية منصور إلتفت عليه سارة وقالت
سارة : مو محللتك لا دنيا ولا اخره واشوف حوبتي وحوبة امي فيك دامك سلبتنا كل شي
منصور : ....................................
سارة : تدري باني اكره سكوتك مو خوف منك لا اكره سكوتك لان ادري بسكوتك برود وماعندك رد لان كل كلامك بيكون بثمن بس صدقني ساعه اللي بتتكلم معاي فيها بيكون الثمن غالي
وراح اذكرك فيها
اخذ الدكتور ابر البنج وخدرهم وبهالوقت اللي الابرة لمست جسم سارة كان قلم هدى ينمد لناصر عشان يوقع على عملية البيع والشراء وفعلا تم كل شي مثل ما سارة ومنصور بغوه سارة استردت
حلالهم ومنصور سلب كليه سارة
برة غرفة العمليات
دلال : الله يستر شنو صار مع الشباب
شوق : ان شاء الله خير هي مهووووو دقي على ريلج ونشديه
مها : لا سلطان ما يحب ادق عليه بشي عاجل وضروري
زينب : كاهم الشباب وصلوا
الشباب : السلام عليكم
البنات : وعليكم السلام ها شصار؟
ناصر : وقعنا وخلاص
شوق : الحمدلله
سلطان : ها ما طلعوا؟
شوق : لا والله للحين وايد خايفه عليها
دلال : احس سارة وهقت روحها بهالنذل اللي ما يخاف الله
مها : هذا حقها لو كنتي مكانها شنو بتسوين؟
بدر : كلام مها عدل هذا حقها ولا يمكن تتخلى عنه
مرت 3 ساعات واخيرا طلع الدكتور اللي كلهم تليقفوه
الكل : ها دكتور بشر؟
الدكتور : الحمدلله منصور صحته تمام
سلطان : كالنا شغل بهذا لنا شغل فالبنت سارة شلونها؟
الدكتور : طيب طيب الحمدلله اهي بعد صحتها زينة بس لازم تسوي فحوصات بين فترة والثانية تدرون بتعيش بكلية وحدة صح ما ياثر لكن الاحتياط واجب
نروح شوي امريكا
مارك : Amal i wanna talk to you plz
امل : ok you can talk
مارك : i ........... i wanna back to
امل : what ????? <<< مع ضحكة استغراب
مارك : i know it was mistake when i left you but you know what happent in that time
امل : i know
مارك : ?So what your decision
امل : till now i really dont know i need time to think and must sara be here
مارك : Ok take your time but plz think becouse i really compunction
امل : I promies you
مارك : you that i love you right?
امل : yeah i know
مارك : Do you still love me?
امل : Mark plz can you stop? <<< مو من قلبها طبعا لانها ميته فيه لدرجة انها ما تنام لما يكون موجود فالبيت
مارك : Sorry ,, I should go to work now i will come at the evenig ok
امل : Ok
وراح مارك لشغله لكن كان وده يعرف جواب امل قبل لا يروح
الكويت
طلعت سارة من غرفة العمليات وتمت بالمستشفى اسبوعين ولا احد من البنات او الشباب خلوها لو لحظة وكانت كل يوم وحدة من البنات تنام عندها عشان تراعيها وتداريها هذا غير المخيم اللي
سووه عندها بالغرفة وازعجوا خلق الله بضحكهم وغشمرتهم
سارة : تدرون ليتكم خواني صج
زينب : لا حبيبتي لو كنا خوانج جان زفيتينا وطردتينا هههههههههههه
ناصر : اي والله اول مرة ام السراويل تقول شي سنع
زينب : واااي ناصر يا ملغك
بدر : للاسف زينبوه هذي الحقيقة المرة
شوق : اقول مو على رفيجتي سكتوا لا اطلع خياسكم الحين
سلطان : ايوااااااااااااا صكت بينكم ههههههههههههههه
دلال : انتوا صج ما تستحون الحين البنت تعبانة وانتو مقاضب؟ والله هلاقة
مها : اي والله مليغين
سارة : اشتقت لهواشكم ولعبكم للحين اشوفكم يهال بعيني <<< تقولها بنبرة مخنوقة تركتهم واهم يهال وردت شافتهم كبار لكن للحين تصرفاتهم مثل ما اهي قلوبهم بيضة وعلى النية ويحبون بعض
مثل قبل واكثر
اخوة
صداقة
زواج
كل انواع العلاقة بينهم
ناصر : اقول يلا طلعي بالسلامة اشوف جنكم نسيتوا اللعبه
سلطان : يا المينون من صجك انت؟
ناصر : اي من صجي كل اللي علينا نسويه نروح الصبح للمقبرة ونختار قبر بنص المقبرة واللي عليه الدور يروح بالليل من بعد الساعه 12 ويدق وتد بالارض يم القبر اللي اخترناه وثاني يوم
نروح ونشوف اذا قلبه قلب اسد والا قلب قطو
مها : يعل ان شاء الله قطو ينط على ويهك وما يخليه سليم قول امين
شوق و سارة و دلال وبدر وسلطان : اميييييييييييييييييييييييييييييييييييييييييييييين ههههههههههههههههههه
ناصر : ها طالعه من قلبوكم؟
سارة : No , i like it and i will be the first
ناصر : يبة انا قايل بانج ريال من زمان هههههههههههههههه
دلال : سارة عن 100 ريال << تقولها واهي تطالعها بنظرات اعجاب
عدت فترة شهرين بالضبط وكل يوم سارة تشفى اكثر تجمعوا كالعادة الشباب والبنات بكافيه لزوم الازعاج والقز والتخزز بخلق الله
سارة : يا جماعه بعد اسبوعين ان شاء الله راده امريكا بس قبلها لازم اوفي بوعدي لنصور والعب
سلطان : سارة من صجج بتردين خلاص دام استرديتو حقكم ردوا للكويت
سارة : ماقدر انا عشت اكثر عمري بامريكا فيها درست وتعلمت وتربيت ماقدر انكر جميلها اهي اللي ضفتني انا وامي
شوق : مو قصدنا تنكرين جميلج بس خلاص انتي بالاصل كويتية وامريكا مو لج
سارة : الوطن مو اهو المكان اللي انولد فيه الوطن اهو المكان اللي اعيش فيه واتربى فيه ما اقول ما احب الكويت بالعكس الكويت امي واهلي لكن افصل امريكا لان شغلي وكل شي هناك
وتعودت عليها الكويت ماعرف فيها شي كل شي تغير الحياة غير هني
دلال : تروحين وتخلينا؟
سارة : مو قصدي جذي بس لازم ارد
قاطعهم ناصر : اقول ترى صج حدي متحمس متى نلعب؟
سارة : هههههههههه طول عمرك مطفوق للحين على طفاقتك؟ يبة باجر دام الحين صار المغرب باجر من الصبح نروح كلنا للمقبرة ونختار قبر شرايكم؟
سلطان : انا جاهز العب عني وعن حبيبتي
بدر : مي تو
دلال : اممممممممممممممممممم اوكي فوقه
مها : انا لااااااااااااااااااااااااااااااااا
شوق : انا بعد غيرت راي مابي
زينب : ها اقول وين الحمام؟ جنه امي دقت علي
ناصر : هههههههههه من الحين بدينا لا شواقه انتي بالذات ابيج تلعبين
شوق : امبيه من صجك؟ لايبه انا بنوتة قلبي قلب طير طير منااااااااااااااااااااااااااااااك نصور
سلطان : خلاص نصور يا شقول الحين انا وسارة وبدر وانت ودلول ما نكفيك؟
ناصر : اف اف اف اف زيييييييييييييين خوافين ماشي هالمرة بسامحكم انتو الثنتين لكن القيم الياي انتو اول ناس
شوق : اي هين اذا لقيتني سلم علي
ناصر : ههههههههههه نشوف
ثاني يوم الصبح اتفقوا سارة وناصر وبدر وسلطان ودلال يروحون للمقبرة الساعه 9
ناصر : يلا ندش؟
سارة : اوكي
سلطان : لحظة مو لازم نقرى الفاتحة؟
بدر : يا معود دش شدعوة عليك فلم رعب؟
سلطان : مو عن عالاقل على ارواحهم ونحترم الموتى
دلال : سلطان انت تم هني واقرى الين نرد لك خلصونا يا عمي كله قبر نشوفه ونرد شنو رايحين نلطم؟
ناصر : يلعن ابو كلامج هههههههههههههههههههه انتي من وين يايه؟
دلال : من ديرة امك هههههههههههههه
بدر : سكتوا لا اقعد لكم هالشايب بل بل بل بل عاش 98 سنة ومات ياخي كملهم سنتين و موت
سارة : بدر شهالحجي هالريال ميت عيب هالحجي مايصير حتى الميت ما يسلم من لسانك؟
سلطان : اعوذ بالله لسانه متبري منه
الكل تم يمشي يدور قبر بالنص لما دلال لقت قبر
دلال : قااايز تعالوا هني هذا خوش قبر .. ويييه شفيه جذي؟ الحمدلله والشكر ليش مغبر؟ مسكين خل اغسله وانظفه
سارة : دلول لا تلمسين ولا قبر اوكي خلاص يا جماعه ما يصير نقول هالحجي عن الموتى خلونا نشوف ونمشي
سلطان : كلام سارة عدل يلا نشوف ونقب
بدر : مسكين مات بعز شبابه اكيد حادث .. يلا الله يرحمه
اختاروا القبر والكل مشى بس بهاللحظة دلال نست شالها على القبر لما لقته مغبر كانت بترش عليه ماي ونست شالها اللي من يدتها قبل لا تتوفى
الكل ركب السيارة
دلال : وييييت
ناصر : شنو بعد شفيج
دلال : نسيت شال يدتي
بدر : لالالالالا دلول ترى انتي فلم على فكرة
دلال : بدر تكفة روح ييبه
بدر : شنو اروح بروحي؟
ناصر : طاح حظك هذا وانت بتلعب اللعبه وبتروح بالليل بروحك مالت بس مالت
بدر : ها اي يعني شسمه
ناصر :تكفه جب و روح يلا ييب شال البنت الحين تموت علينا
سارة : يا جماعه شفيكم خلاص اانا اروح اييبه
سلطان : لا سارة قعدي انا اييبه
نزل سلطان من السيارة وراح اييب الشال

يتبع ...............................