نظرات , ارتباك , نبضات سريعه .. رغم النهايه احبك

اجابه وحده لكل اسئلتج
الحب لما يدق باب الواحد ويكون حب صادق يكون حب مرة وحده يعني ما يتكرر هالاحساس حتى حبينا من يديد
الواحد لما يتذكر شي و حس بالم كبير هني يكون حب من قلبه و عطاه كل ذره حب بقلبه لهالشخص و غالبا ما يكون الحب الصادق من طرف واحد مافي اثنين يحبون بعض من قلوبهم يستمرون او يجتمعون واذا صار فهذا يكون نادر جدا
احساس الالم بحب قديم ما يزول ولا ينسي لو شنو صار حتى لو حبينا من يديد حتى لو مرت سنين حتى لو حسينا براحه يبقى الحب الاولي الصادق بقلوبنا و بقلب اي شخص عاش هالحب
مو شرط يكون هالحب اول شخص تعرف عليه و حبه الحب ماله عمر ينهدم لكن ما يختفي يبقى حطامه جدام عين العاشق كل ما حاول يلم شتاته و يبنيه من يديد يتراجع لانه عارف بينهدم مرة ثانيه واكثر من اول
يتردد لان ما يبي يخسر الوقت من يديد
يتردد لانه خايف ينجرح من يديد
عشان جذي يفضل يخلي هالحب مدفون ومحطم جدام عينه للذكرى ويبني حياته مع شخص يديد لكن قريب من حطامه الاولي لانه عطاه كل وقته وكل جهده

فوفا بهالموضوع محد ملام عارفه ليش؟
لان فيه ٣ اذراف مشتركه
خلينا ناخذها على مثال عشان الكل يفهمها ببساطه
فرضا انا كنت مرتبط بوحده وحبيتها فعلا لكن ما قدرت هالحب وتركتني وحبيت من يديد لكن ما عطيت اليديده كل الحب اللي بقلبي او حبيتها مثل الاوليه
طيب انا قلت محد ملام شلون ؟!!
صح محد ملام لاني انا حبيت و وفيت لكن مع الشخص الخطأ واللي حبيتها مو ملامة لانها شافتني الشخص الغير مناسب و كانت طول الوقت تلاقي ثغره عشان تدخلني لحياتها والبنت اليديده اهي اكثر شخص ماله ذنب لانها تحاول بكل جهدها انها تدخل قلبي مثل الاوليه لكن بتلقاه صعب حيل و دايم ينتهي بفراق مرير من بعد عده محاولات لكن كلها فاشله لاني من داخلي رافض اعطي حب من يديد وتذكرو اللي قلته مثال لا اكثر
ومسأله اذا تواجهنا بمكان عام ننسى اللي معانا وكل شي صوبنا وما نشوف الا الحب القديم هذا شي طبيعي يتفق معاه العقل و القلب مع ان دايم العقل و القلب على خلاف بامور الحب لكن في هاللحظه يتفقون بس كلها ثواني و يردون يختلفون
كلامك عدل بو ضاري و هذا اهو مقصد كل قصه حب لازم احد الطرفين ما يناسب الثاني و هذا اساس العلاقات انا اعترف عطيت كل ذره حب لشخص ما يفهم بامور الحب وهذا انا ادفع الثمن بروحي
عذبت بنات وايد معاي للاسف و في منهم يقرون هالرد لانهم موجودين هني
نصيحه اللي يحس نفسه مو قادر يعطي حب لا يرتبط ادري ليل العاشق موحش لكن لاتشيل ذنب الغير
اعتذر لصفحه الجريده اللي كتبتها

فوفا هذي اول تجربه لج وشي طبيعي تتعرضين لصدمات اللي يبي الحب الصادق لازم يتعب اللي يقول لج فلان اول شخص اعرفه وحبيته هذا جذاب ويفلم لازم باول طريجج تتلتعين وتتعبين
يا بنت الحلال ناس سنين تتعب وتنخان وينلعب عليها وللحين يحاولون << it's you man

فوفا انا ماحطيت اللوم عليكم وبس احنا وانتو غلطانين وانا لما حكمت بالموضوع حكمت من جهتي وانا اعترف باني سويت بوحده جذي من فترة وتحملت اللوم بروحي بس لما كان يصير لي جذي محد لام الطرف الثاني شي طبيعي بوقف بموقف ضدج

لا انا ما وقفت بسبب الانتماء قلت لج انا حكمت من جهتي واللي صار لي بفترات قريبه
طبعا ما ارضاها وعارف احساسج لان سنة ونص عشت مع انسان كنت مجرد له احتياط لا اكثر
قولي صار فيني حقد عليكم
قولي كرهتكم
قولي اللي تبينه صدري وسيع معاج بس لا تقولين اني ما عدلت مثل ما انتي مجروحه انا بعد انجرحت والجرح غيرني ما صرت اهتم اذا ظلمت احد او لا نصيحتي لج سوي مثل ما سوالج حبيبج الناس تبي جذي الحين
حاليا هذا نظامي

ادري وحاس والله لكن انا قاعد ابدي من الصفر ما يصير اقدم عالخطوة هذي وانا تحت الصفر
انا احب ابتدي شي يكون ميزيني و بزياده
لو اقدمت عليها وانا جذي بتوهق ترى انا فعلا عالصفر و قاعد اصلح كم شغله عشان تفيدني لما اقدم عالخطوة هذي مابي افكر بوقت قهر وعصبيه ومحد بياكلها غيري واصلا جذي او جذاك شكلي ماراح احتاج لان راح ايي اليوم اللي انطرد فيه وانا واثق مؤشرات وايد قاعده تبين لي هالشي وبلاسف احساسي عمره ما خاب لكن شويه وقت وبالمرة اصلح اللي انكسر فيني وابدي الطريج اللي ما كملته وانا ماشي صح الحين تقريبا وقاعد اسوي كل شي عشان اكمل طريجي والحمدلله في ناس واقفه معاي وتساندني مثل الحب تساعدني وايد و عطتني حول وافكار
لو اقدمت عالخطوة هذي انا خسران لاني عطيت كل اللي عندي للغير سواء كان معنوي او مادي هالشي
فوفا مرات لما تصكني مصيبه اشوف مصايب ناس ثانيه ساعتها تهون مصيبتي بوايد واقول الحمدلله
تعودي بالمشاكل والهموم تشوفين ناس اقل من راحه بالج بتلاقين بان عندج مساحه راحه اكبر منهم