صدمة !!!!!!!!!!!!

السلام عليكم
شلونكم؟ شالاخبار؟
مادري اذا ذاكريني ولا لأ !! انا لووف؛(

لكم وحشه وربي .. انا مريت بقصة مريرة جدا نستني نفسي

قصة خلتني اكرة و ما اثق بولا بنت على وجة الكرة الارضيه
تخيلو حبيت انسانه و صارت كلشي بحياتي و اهيا تمووت فيني و ٢٤ ساعه مع بعض .. تدرون شكتشفت بعد ٣ اشهر؟

انها ام حق ٣ عيال !! البنت تعترفلي بكل بساطه انا احبك بس خاشه عنك شي اخاف اقوله تكرهني و توخر ( ترا انا متزوجة) بعدها بثواني الصدمة الثانيه ( ام حق ٣ عيال) .. طبعا اول شي ماخليتها بعدين انطقت من ريلها عشاني فوخرت عنها شوي شوي عشانها ..ليش الواحد إخون جذيه و يبديها بجذبه؟ مع العلم انها حاولت تتطلق منه وايد بس اهلها موراضين ولا أنا راضي عشان عيالها مايضيعون

الله يعينك على بلواك
طيب بس عندي استفسار يعني اي اثنين بينهم علاقة أكيد بيعرف كل واحد منهم عن الثاني بيته وبيئته ومن عايش معاه بالبيت ، يعني ولا مرة رحت بيتهم خلال الثلاث شهور ؟؟؟ غير جذي انتو مع بعض 24/24 كيف قدرت تخش موضوع الزواج و3 عيال إلا إذا كانت تخش شي ثاني وعملتها تمثيليه عموماً كان المفروض إنها من الأول تعترف ، والله يعوضك خير

خلال هال ٣اشهر كانت اب بيت اهلها و طالبه الطلاق و عيالها الثلاثة كانت تقولي هذيل عيال خالتي خلتهم عندنا وراحت تعالج .. ولما كانو انادونها ماما كانت تقول انا عودتهم عشان بالسوق او الجمعيه ماينادوني باسمي .. يا جماعه عمرها ٢٢ سنه وين يطري اب بالي ان عندها ٣ عيال !! و كانت دايما تقولي انا مخطوبه و تشوف ردت فعلي بعدين تقولي اتغشمر .. كل هذا شلون تبوني اكتشف !
وانا ماخليتها على طول !!

حنون تخيلي الكلب ريلها شافها تكلمني انصاف الليالي تدرين شسوا؟ طقها طق سنه بساعه ! جسمها كله ازرق .. اهيا اعترفتلي بالزواج لما ردت حق ريلها علما بان ردتله بشروط انها ترد حق عيالها و علاقتها فيه صفر .. بس كنت اموت باليوم اميه مرة !!
وربي ان ابي مصلحتها و مصلحة عيالها ..

بس love لا تزعل مني حتى لو كانت تنتظر الطلاق المفروض إنها ما تسوي علاقة ويا أحد غير زوجها ، يعني اي حد فينا يزعل ويعصب وممكن يعتدي على الطرف الثاني في حال الخيانة ، فكيف بوحدة متزوجة يعني شنو تتوقع يسوي فيها يوم يلاقيها تتكلم في نص الليل مع واحد ثاني ، احنا نعتبرها خيانة لو كانت بحقنا لكن بحق غيرنا حرية شخصية ، انت الضحية في القصة لنها ما وضحت الوضع من الأول وأنا متأكدة لو كنت في الصورة ما كنت بترضى بعلاقة بينك وبين وحدة متزوجة

فديته العصبي كلامج اهو اللي مشيت عليه

وربي قتلها نفس الكلام لو ادري انج متزوجة مارضيت !!!! اعلق الانسانه فيني و اهيا وراها زوج و عيال .. دست على قلبي عشان سعادتها

بالعكس كلامج عين العقل ماينزعل منه ابد .. انا اصلا ابي احد يقولي ان اللي سويته صح

انا اشوف بان لو صارحتك من قبل كان وايد احسن وطالما اهي خشت عنك خبر الزواج واليهال ما حبت تفقدك يا مينون البنت ما تسوي خطوة جريئه و مينونة تخليها تخسر حياتها الا لانها حبت بجنون
اعقل
اعقل
اعقل
ورد حبيبتك لحياتك الحب اذا لقيته مع شخص مثلها ما تلقاه بعدين
وراح تتكيف مع حياتها الزوجيه بعدين نصيحتي لك رد لها ولا تكسر بخاطرها يكفي الحيوان اللي عندها الحين منكد عليها عيشتها لا تصير انت سبب الالم من بعد ما كنت لها الامل

امبييه رقوص !! نفس كلامها بالضبط !!!!!
كله اتقولي انت الامل اللي عايشه عليه
بس تكفى شنو نهايتي معاها اهيا و عيالها وريلها ! راح اعلقها فيني اكثر عالفاضي ؟؟

العاشق المجنون يعرف احساس اي عاشق مجنون مثله
رد حبيبتك و عيالها ماراح يضيعون هذا كلام اول الحين احنا بعالم يديد
هالكلب يتفنن بعذابها اهي مو مهتمه بعذابها من طرف هالنذل
وربي صوت حبيبتك واهي محتاجه لك راح يكسر قلبك لاتكسر قلبها
ولاتقول نهايه علاقتي فيها شنو ياما بويات تيكن مع ليدز متزوجات و يفصلون هذا بهذا
البنت محتاجه لك فكر بقلبك ردها قبل لا تخسرها و البنت تخسر كل شي بغيابك 

شيري كلامج زي كلامها بالضبط
الله كريم .. قلبتو المواجع مشكووووورين عالمساندة والمشاركة .. تنحطون عالجرح يبرى

مـآعندي شيء أزيـده الاعضاء كفو ووفو

واٍنا رأيي من رأي شيـري وراقص يعني حرام تتركها أهي واضح من كلامك انها تحبك وشاريتك
بس هذا مايمنع انك تفكر عدل وتختار اللي انت تبيه وتحس نفسك مرتاح له

وقهرني شيء واحد بالموضوع هالحيوان زوجها ليش يطقها يعني عباله الرجوله بالطق
دم ضروسي اللي يمد أيده علي مره إحسه حيوان مؤ رجال وأنا دائم نظرتي وحده اللي يتعاملون بـأسلوب الطق
هم الحيوانات لأن الله خلقهم من غير عقل فما يعرفون يعبرون غير بالطق مايعرفون لغة الحوار » وجهة نظر

سوري طولت عليك بس والله احترق قلبي من سألفه زوجها

ومووووفق انشألله

مع احترامي لكل الأعضاء ، بس البنت متزوجة ، خلينا نقيسها على أنفسنا ، لو أي أحد فينا مب مرتاح مع الطرف الثاني لكن باقي بينهم وما انفصلو نقبل يجي طرف ثالث ويعيش قصة حب مع أحد الطرفين بحجة إنه مب مرتاح ومظلوم ؟؟ أو بحجة انه عنده مشاكل مع شريكه ، الأفضل في البداية إنها تحصل على الطلاق بعدين هي حرة ترجع لك وتعيش معها وتسعدها ، أما غير بهالطريقة الحب مرفووووووووووووووووض ، غير جذي طالما إنها رضيت تسوي علاقة مع واحد وهي بعدها مرتبطة بالثاني معناتها باجر تحب عليك وهي معك ... وافهمها يا عاقل

فديته العصبي كلامج منطقي بس هذا في حال انها تحب زوجها و مختارته
اهيا زوجها انفرض عليها فرض و اهيا صغيرة لهدف مادي فقط

شيري فيني فضفضة وين اروح

احنا اهلك و ربعك وناسك
ثانكس شيري عالاطراء. الحين تفكيري تغير فعلا
المهم نرد للموضوع بالمنسبه لرد اختا ( فديته العصبي ) الشعب السعودي شعب مغلق تماما ولا ننكر هالشي شعب مستسلم للعادات والتقاليد حتى النخاع لو تغلغلنا في حياتكم بنلقاها مغلقه من كل النواحي و حتى لما بغيتو تغيرون حياتكم بتلاقون صعوبة و ماتغيرت كلها
لاف لا تضيع وقتك ترى ليل المفارق حبيبه موحش بذمتك ما اشتقت لصوتها وضحكتها و صوت عيالها ؟ صارح نفسك واقعد مع قلبك البنت محتاجه لك ليش تظلمها ؟ اهي تشوفك نور ظلمتها ليش تطفي هالنور ياخي شنو خسران !!! اهي فضلتك على هالنجس و تشرفت فيك لا تخيب ظنها
هالحيوان يشوف الرجوله بالطق واخي تشوف الرجوله فيك قارن حياتها معاه و حياتها معاك وفكر ليش حبتك و كرهته ؟ فكر عدل و رد لي خبر

الله لا يخليني منكم .. صارت وايد مستجدات صعب اني اكتبها و تفهمونا :"(.. النت ساعات ما يطبطب عالجرح..
بويعقة و شيري مشكورين عالاهتمام طول عمركم ماتقصرون :* 

شدعوة احنا معاك متى ما بغيت انت اخونا
وصح النت ساعات ما يشفي غليل الواحد خصوصا اذا كان يتالم حيل
اتبع قلبك صدقني راح ترتاح و شوي شوي راح تتقبل الموضوع بس يبي لك وقت لا تخسر البنت والله بتتعب زود