صج هذا علم القراصنة المشهور؟

[ندعوك للتسجيل في المنتدى أو التعريف بنفسك لمعاينة هذا الرابط]


العلم هذا صار أشهر من نار على علم… ها؟


تصميم العلم باللون الأسود وعليه جمجمة وعظمتين مسوين X، شنو تاريخه وواقعيته؟

تاريخياً أول وصف للعلم بتصميم العظمتين يرجع لسنة 1687 واستخدموه في البر، مو البحر.

معروف بإسم جولي روجر – Jolly Roger واذا نبي نترجمه حرفياً بالعربي يصير معناه “روجر المستانس ” أو “روجر المْكيّف ” بس منو روجر هذا؟ وليش يقولون مستانس؟ الله أعلم محد يدري وفي نظريات وايد بس مو أكيده عن أصل المسمى.

أكثر نظرية شفتها معقولة كانت في الجانب اللغوي من التسمية، ببريطانيا يسمون الشيطان Old Roger، وبطبيعة القراصنة الشيطونية والعبيطة نوعاً ما سموا علمهم Jolly Roger يعني الشيطان المستانس ، وهو اللي يمثل انعكاس حق طريقتهم وحياتهم اليومية من الشطانة والعبط.

منو سمّى العلم بهالاسم؟

الـتــســمية (مو الشكل) ترجع للكابتن تشارلز جونسون – Charles Johnson في كتابه التاريخ الشامل للقراصنة – A General History of the Pyrates اللي كتبه سنة 1724م، الكابتن هذا غريب مادري شسالفته محد يعرف منو هو بالضبط ولا قادرين يلقون اسمه ضمن الكباتن المشهورين أيامها بس المهم كتابه أقشر.

المفهوم من كتابه ان التسمية كانت حق أي علم للقراصنة، مو بس اللي بوجمجمة وعظمتين.

يعني القراصنة كانوا يستخدمون أعلام مختلفة؟

عشّون عيل! نفس النوادي الرياضية مثل العربي والقادسية كل واحد له شعار يميزه.

هذي مجموعة من تصاميم أعلام القراصنة اللي مسجلين استخدموها خلال الفترة ما بين 1693 إلى 1724
[ندعوك للتسجيل في المنتدى أو التعريف بنفسك لمعاينة هذا الرابط]

زين عيل كانوا يستخدمون هالعلم وتصاميمه الثانية صج؟

الظاهر اي، بس هااااا! ما كانوا رافعين أعلامهم طول الوقت الشباب ما كانوا يبون العالم يدري انهم حرامية 24 ساعة! دايماً يرفعون أعلام مزيفة بس وقت اللزوم والهجوم يرفعون علم القراصنة الرسمي مالهم.

أحد الأسباب عشان يقتربون من السفن الثانية بدون ما يخرعونهم ويصيدونهم بسرعة، والأسباب الثانية طبعاً أمنية.

بس ما يقربون من السفينة الضحية يرفعون العلم الرسمي لهم مع طلقة تحذير لتخويف الركاب والاستسلام بسرعة، كانوا يفضلون احتلال السفن من غير حرب وخساير، جذي أوفر عليهم وأريح .

واللي ما يستسلم؟

سفينة القراصنة ترفع العلم الأحمر، يعني راح يهاجمون ويذبحون الأوّلي والتالي يقولون معنى العلم الأحمر حرفياً:

“the pirates would give no quarter to resisters”

إذا السفينة الضحية ما ميّزتهم انهم قراصنة راح يكون عبالهم هذي سفينة حكومية أو عسكرية وعندهم قوانين يتعاملون فيها مع الأسرى ويقولون عادي ما عليه خل يمسكونا عالأقل ما نداوم جم يوم وناكل ببلاش

بس إذا ميّزوهم انهم قراصنة راح يقولون لا يبه هذيل ناس ما يتفاهمون يذبحون مثل شرب الماي ويسلمون روحهم يمه ارحميني.

شكو تصميم الجمجمة والعظام اللي اشتهر بين كل هذيل؟

هوليووود مالت على هوليووود اقوووول التصميم ياز لهم وقزروها علينا.

وشنو معنى الجمجمة والعظمتين؟

رمز للموت والشدة في الحرب.

اليوم في أحد يستخدم هالعلم بصورة فعلية؟

اي في الجانب العسكري وخصوصاً الغواصات بسبب طبيعتها الجاسوسية وعملها السري الغير قانوني في المهام الرسمية.

معلومات سريعة قرصانية:

1- القراصنة تاريخياً ما كانوا همج وخبول يدورون بالبحر، كانوا عاقلين وعندهم نظام ديمقراطي في الحكم والترشيح والتصويت والتفاصيل عجيبة في هالجانب وغالباً لما يستولون على سفينة قراصنة ثانية يحبون يصير انضمام بينهم عشان يصيرون أقوى.

2- يقولون ربطة العين هذي اشتهرت عند البحّارة أيام أول مو لأنهم كلهم مبطوطة عيونهم كانوا يحطونها حتى لو عيونهم سليمة بس عشان كل شوي ينزلون بطن السفينة والمكان ظلمة يرفعون الربطة وعيونهم تقدر تشوف عدل، يعني عينهم المصكرة بالربطة تكون متعودة عالظلام وما تاخذ وقت علما تتعود وتشوف الدرب.

3- تاريخ 19 سبتمبر يعتبرونه “يوم الكلام مثل القراصنة” – Talk Like A Pirate Day، هار هار هار هااارررر

4- ثلاث أرباع سوالف القراصنة اللي متعودين نشوفها بالأفلام أو نقراها بالقصص ماخذينها من القصة المشهورة جزيرة الكنز لكاتبها روبرت لويس ستيفنسون – Robert Louis Stevenson بما فيها طريقة كلام القراصنة ولبسهم والببغاء على الكتف والقدم الخشبية والخريطة … الخ، يعني معظم هالحركات والسوالف مالها دليل تاريخي قوي.


[ندعوك للتسجيل في المنتدى أو التعريف بنفسك لمعاينة هذا الرابط]

يسلموا حبيبتي سرابو خووووش موضوع واستفدت واااايد من معلوماتج وفي وايد اشياء توني اعرفها
يعطيج العافيه قلبي وتسلم يمناج

الله يسلمك اخووي يووسف نوورت والله واهم شي انك استفدت من موضووعي

يعطيييك العافييه اخووي تسلم

فديييتك رااقص اخووي لييش ماطلعت عندك الصوور !!

تسلم اخووي ماقصررت نوورت الموضوع والله

عاااد لييييش


صبرو باحملهم من موقع غيرر يمكن يطلعوون

والحيين ؟؟

هلا هلا باخووي لووتي يعطيييك العااافييه

مشكووور ماقصررت

نوورت اخووي والله =)

موضوعج متعوب عليه واااايد استمتعت وان اقرى اتمنى تستمرين بهالمواضيع المميزه نتنظر جديدج يالغاليه .. يسلموا ..

فديييتج حلووه مشكووره ماقصررتي والله


يعطييج العافيييه حبيبتي =)

هذا نجمة لتميزج لهموضوع .

[ندعوك للتسجيل في المنتدى أو التعريف بنفسك لمعاينة هذه الصورة]

الاااااااااااااااااااااااااااي نجممممه احسن من الشباااصه مالت اسيروو

توني هناك اقول ابي شباصه حررره اسيروو حصلت نجمه

هههههههههههههه


شكرررررررررررررررررررررا حلوووووه على النجمه استاااانست

استمري بتميز بعطيج نجمه تخلينها بتوقيعج عشان الكل يعرف انج متميزه شيدي حيلج تستاهلين .

اووكي لاتووصين

الحين انا الا اغلب اسيرو يا انا يا اهوو

ههههههههههههه

تسلمييين حبيبتي حلووه

هههههههههههههههههههههههههههههههههههههههه اييي لووتي تووني مستوعبه انه الشباصه المفروض لي والنجمه له


تسلم لووتي مااقصرررت

لاتشرطون مافي فرق بين شباصه والا نجمةاو نجمتين احم احم لا اخذ كل الشباصات والنجوم الي عطيتكم اياه ههههههههههههههههههههههههههه ان شاءالله مره ثانيه بس يمكن اغير مااحط شباصه او نجمة ... شي ثاني ..

لااااااااااااا لااتشييليينهم ههههههههههههه

فدييييتج حلووه يعطيييج العافييه

حبيبتي سرابو اتغشمر أياعليج والله ..

:$

لااستحي هلون بنحرف ياربي على بوس

ههههههههههههه فدييييتج حلوووه

حياتي انتي والله ..