أنا ضـــــد & أنا مـــع

يسلمو الشري خوش مع و خوش ضد
امممممم انا ضد الاستغلال بانواعه سواء كان بين الاصدقاء او الاهل او حتى الاحباب لان فعلا شي مو حلو
وانا ضد اي شخص تسول له نفسه يمجد دوله ثانية واهو عايش بديرة الخير الكويت وان صادفت اي شخص جذي ادوس على راسه وصار هالشي قبل كم يوم وللحين مستمر هالوضع معاي
انا مع التفاهم والديمقراطية بين العشاق
وانا مع الغيرة الجنونية لكن تكون بثقة كبيرة بنفس الوقت لان الغيرة ملح كل علاقه وبدونها العلاقة بيصير فيها فتور
انا مع البنت تحط ميك اب لكن بحدود ويكون خفيف جدا جدا جدا لان الميك اب الاوفر يسويها جنها جثة اجنبية مكشخينها للدفان وحاطينها بتابوتها
وانا ضد البنت اللي تحط هالشباصة الخايسه وتصير جنها جمل واهم شي يرفعون شعار ( كل ما كبرت شباصتج كبر حظج بالمغازل )

اي هذا يععععععع يحسسني بان البنت كائن فضائي مثل اللي بفلم مارش هههههه تذكرينها الشري يوم تتعلج عشان تتنفس ولابسه نفنوف سهرة احمر يوم الريال يسدحها ويبي يطلع العلج وتقطع صبعه بعضه من اشوفهم اموت من الضحك

الله الموضوع حلو حسيت الكلام الي قلتي من قلبج شيري ..واتفق معاج

انا ضد: البنت اذا وصلت 25 سنة بمجمعتنا ان صارت عيوز او عنست لانه هذا غلط .
انا ضد: يعدمون الثقه البنت بنفسها وان ما تقدر تسافر بروحها وان عيب .
انا ضد : الباس البنت الحجاب بالغصب واذا راحت مجمع او اي مكان تفصخ الحجاب .
انا ضد: الظلم الي اشوفه ان الاجنبي يستلم راتب احسن من ولد الديره .
انا ضد: الحسد من البنات والا يذكرون الله شنو بتخسرون .
انا ضد: اجبار البنت على الزواج لانه حرام .
انا ضد: مهما تسوين بالبيت محد يعرف قدرج .

انا مع : البنت المكافحه لضمان مستقبلها
انا مع :انه البنت محتاجه اهتمام من الحبيب
انا مع : تقدير والاحترام من الاهل او من الاصدقاء
انا مع : الصديق الي يقدرج ومايرضى عليج تحطينه بعيونج وتحافظين عليه .
انا مع : البنت المنظمه بموعيدها وقد كلمتها

شكرا شيري واذا تذكرت راح ازيد من كلامي تسلمين

ضد توحيد العمله
ضد تجنيس كل من هب ودب
ضد المرادد اللي ماله معنى والتحنيج الزايد على الغلط
ضد الغايه تبرر الوسيله
ضد التمصلح
ضد التفرقه بين العوايل يعني مو حلوه كلمه ( هالعايله مو من مواخيذنا ) مولودين على راسكم ريشه وانا مادري
ضد الغرور
ضد الاتصالات اللي بنص الليل ... ما تحلى السوالف الا حزة النوم
ضد الكتابه بالمعرب <<< وايد ناس ما راح يقتنعون بس هاذا رايي الشخصي ... احس ماله داعي ... الاحرف العربيه مو مقصره شحقه يعني اكتب نفس الكلمه بلغه ثانيه و ترى المقصد منها قبل انها لغه سريه بس الحين صارت اللغه الرسميه .. واختلاف الراي لا يفسد للود قضيه
ضد الواسطات من غير لزمه


مع الواسطات للي يحتاجون وما يقدروون يأجلون حاجتهم
مع توقيف قرار الضرايب العقاريه في الكويت
مع الثقه بين القراب
مع التمسك بالراي الصح حتى لو كل الناس ضده
مع عزة النفس
مع القناعه


وبث خلاث يعطيج الف عافيه يالغلا صج موضوع يهبببببل يستاهل التفاعل

انا ضد اللقافه و التدخل بشؤن الغير
مع الاحترام و الشفافيه بالتعامل مع الناس .. الناس اللي تستاهل

ضد الحكم على الناس و تصيد الاخطاء عليهم
مع الصراحه .. لانهاا راحه

انا مع الحب و الرومانسيه
ضد الارتباط .. و الاحتكاار ههههههه

مع الحريه و التعبير عن اللي ببالي
ضد النفاق و العيشه اللي تكون جدام الناس شي و من داخلي شي ثاني

مع الصدااقه و الصحبه الحلووه
ضد الجيييب و المقحبه

يسلمووو قلب

مع سفر البنيه للخارج بنفس الوقت انا ضد البنت الي تسافر علشان تسوي شغلات مو قادره تسويها بالديره

مع المساواة وانه الريال مايفرق عن المره ! مو اذا سوا شي قالوو عادي ريال مايعيبه واذا بنيه قامت الدنيا وماقعدت

مع الزواج اذا كان عن حب ضد زواج الاهل والاقارب بالاحرى *عقارب*

مع انه البنت تشتغل بالشي الي تشوف نفسها فيه
وضد الاهل الي يجبرون بناتهم على شي كان ودهم يسونه واهم صغار واهلهم رفضوا ! يعني ليش اطلعوون حرتكم بعيالكم يمكن لهم ميول ثانيه !غصب يسون الي ماقدرتوو تسونه ولا توصلونله !

ضد التقليد الاعمى !كل ما احد هب بشي قلدوه الاوادم الواحد مايقدر يتميز بشغله الا الديره كلها هابه فيه ؟ وييين شخصياتكم ؟


و و و و و وايد شغلات ثانيه ماني ذاكرتها الحين
ثانكس على الموضوع

انا ضد الاستغلال بمشاعر الشخص .
انا ضد الانانيه .
انا ضد لعب على الحبيلين .
انا ضد حب من طرف واحد .. دوس على قلبك والاتحب شخص مايدري عنك .
انا ضد الي يحبون الشخص على شكله وستايله ومايهتمون حق اخلاقه .
انا ضد عدم تقدير .
انا ضد الي يقط كلمة ومايثمنه وبعدين تعال يافلان لاتزعل مني .
انا مع احترام المشاعر الغير .
انا مع الصراحه وعدم الف والدوران .