رد: قصة من تأليف أعضاء BoYaT & MaNicH

من طرف A.M.T الثلاثاء فبراير 01, 2011 3:15 am

ياااسلاااام ابي اشوف الي بصييير ننتظر التكمله !!
وربي يعطييك العافيه !!

من طرف راقص القبور الثلاثاء فبراير 01, 2011 4:51 am

يسلمو على ردودكم حبايبي انتظروا البارت الياي اكتبه اول ما افضى خو الحين طلعت من المعهد وصرت فاضي لكم من يديد

من طرف ???? الثلاثاء فبراير 01, 2011 5:18 am

ماشاءالله عليك صكيت علي بالكتابه يلا ننتظر البقيه بكل فضول نبي نعرف الاحداث ..

خووووووووووووش قصه رااقص يعطيك الف عااافيه
ننتظر التكمله توزيع بوسه

من طرف رنوووم الأربعاء فبراير 02, 2011 6:43 am

لااااا توقف ليمن اشتط شيبي ابوها ذابحني الفضول
صج هالقصه حلوووه من بدايتها حار بحار يالله حباب كمل ويعطيك العااافيه

من طرف ???? الأربعاء فبراير 02, 2011 8:34 pm

اي والله رنوم ترحيبهم حق ساره ما تطمن وراهم شي يمه منهم .. لاتطول رقوص باموت من الفضول ..

من طرف راقص القبور الخميس فبراير 03, 2011 4:12 am

ههههههههههههه ان شاء الله اصلا كل شي راح ينقلب وما راح تتوقعون اي شي

من طرف ???? الخميس فبراير 03, 2011 5:20 am

اوه اوه شكله السالفه عوده عييل الله لا يوفق كاثرين الي بتبهدل ساره غلطانه بأصل ساره تسمع كلام كاثرينوا ..

من طرف راقص القبور الأحد فبراير 06, 2011 12:37 am

منصور : انتي عارفة باني مريض ....
سارة : اختصر
عصب منصور وقال لها : دام تكلميني بهالاسلوب الرخيص بتكلم مثلج
هههههههههههههههههه <<< سارة تضحك : يلا يلا قول
منصور : حلالكم مقابل كليتج
سارة !!!!!!!!!!!!!!!!!!!!!!!!!!!!! <<< مندهشة
سارة : عفوا شنو قلت؟
منصور : تعطيني كليتج وارد لكم ثلاث اربعا حلالكم يعني لج اللي فوق الخط الاحمر واللي تحته لي واعتقد انا جذي عدلت
سارة بعدها مو مستوعبه اي شي من اللي قاله
منصور : انا متاكد بان فصليه كليتج تطابق فصيلتي فكري بكلامي عدل مابي رد منج الحين بس لا تطولين عشان نفسج وعشاني لا نضحك على بعض اكثر لا انا مهتم فيكم ولا انتو تحبوني
سارة سرحانة وعيونها مغورقة دموع عجزت ترد عليه قامت من مكانها ومشت وبنص الطريج وقفت وطالعت ابوها
سارة : تدري باني مو زعلانة منك انا زعلانة على امي اللي حبتك ووثقت فيك حسبتك ريــال يكون عون لها وسندها بس للاسف تزوجت حقير ونذل انتهازي سلب منها حلالها واهي مالها غيره
والحين ياي بكل وقاحة تساومني على صحتي !!! تصدق شفت ناس وقحة وجبانة ونذله لكن مثلك يا خسارة ما شفت حسافة اني شايله اسمك حسافة اني من صلبك حسافة انك للاسف ابوي
طلعت من غرفة منصور اللي ما نطق بولا كلمة مو لانه تاثر بكلامها لا لانه كان يتالم وما يقدر يرد لكن بنته هدى حست بمعاناة سارة لما حطت روحها بمكان سارة شنو ممكن تسوي؟
نروح شوي لام سارة اللي بالها مشغول على بنتها ماتدري وصلت للكويت او لا و شنو سوت بهالوقت حست بوحشة كبيرة بالعادة سارة تقعد معاها تونسها وتلعب مع امها او تدخل عليها بايدها العشى
ويتعشون سوى قامت امل ودقت على مارك <<< الحب القديم و طليقها حاليا
امل : mark <<< تقولها بصوت مخنوق
مارك : amal !!! hi how are you
امل : not good i need you mark
يفز مارك من فراشها مرعوب : what ? whats the matter ? is thier any thing happent to sara?
امل : i dont know she didnt called me am so afriad
مارك : am come in to you right now wait for me
سكرت امل الفون من مارك ودموعها نزلت من عينها قامت بلا شعور طلعت البوم صورهم اول ما حبوا بعض و تزوجوا تمت تمشي فالبيت والصور تطيح من ايدها صورة ورى الثانية واهي تبجي
لما وصلت عند باب غرفة مسكرة من وقت طويل هالغرفة كانت غرفه مارك و امل قبل لا يتركون بعض ومن هذاك الوقت امل ما دشت هالغرفة الا لما تشتاق لمارك بس هالمرة عجزت تدخل لها
ما قدرت تشوف ملابس مارك اللي كان لابسهم اخر مرة تشجعت شوي شوي وبطلت الباب ودشت وتطالع صورهم اللي تارسه الطوفة .. ملابس مارك عالسرير .. العطر اللي يابته له بيوم ميلاده ..
تاخذ ملابس مارك وتشمهم وتتنهد وتبجي تلتف على حافة السرير تشوف دبلة مارك ويمها ورقة مكتوب فيها بخط ايد مارك هالكلمة (i am sorry but could"nt for give me amal )
تحضن ملابسه وتقعد عالارض تبجي باعز ضيقها ما تلقى لا سارة ولا مارك بهالوقت ينطق الباب طق طق طق تقوم امل فرحانة على بالها مارك بطلت الباب وعلى ويها ابتسامة عريضة ودموعها
مغرقتها بس يا خسارة اللي كان يطق الباب كاثرين
كاثرين : amal !!! why you are cring?
امل : kath !! no . nothing come in plz
تدخل كاثرين واهي تطالع امل باستغراب وخايفة يكون صاير لسارة شي مو حبا فيها خايفه على الفلوس تروح منها تمت تنشد امل تبي تعرف شنو فيها لكن من طبع امل ما تحب تتكلم عن مارك
مع اي احد غير سارة رقعت لها الموضوع بانها مشتاقة لسارة
نروح شوي لسارة بغرفتها قاعدة تبجي من اللي انصدمت منه ( كنت عارفة مو ندمان كنت عارفة يبي يستغلنا لاخر لحظة ليش ليش انا شنو سويت لك؟ رحت عنك وانا صغيرة ما اعرف شي
تغربت بديرة غير ديرتي ظحيت باهلي وناسي وديرتي عشان نتخلص منك ومن بطشك حرام اللي تسويه شنو تبي الله يسوي فيك اكثر من جذي؟ اكلت حرام واكلت عيالك حرام والحين صحتك راحت
للحين تبين تغش وتغدر؟ للحين تبي تاكل حرام؟ الله لا يسامحك الله لا يحللك ) <<< هذا كان كلام سارة بينها وبين نفسها واهي تبجي وبهالوقت تدخل هدى لغرفة سارة
هدى : سارة
سارة : نعم شتبين انتي بعد؟ تبين تاخذين مني شي؟ شنو تبين قلبي والا عيني؟ والا روحي احسن تدرين شلون انا بتبرع بكل اعضائي وانتو اختاروا كل واحد يختار شنو يبي مو جذي احسن؟
هدى : ادري منقهرة بس بليز سمعيني انا مالي ذنب سمعيني تالي طرديني
سارة : قولي
هدى : انا انصدمت من اللي قاله ابوي ظنيت فعلا يبي يرد حلالكم بدون مقابل والله ما كنت ادري بنيته ولا حتى انه بيرد ثلاث ارباع حلالكم والله مادريت انا مالي شغل انتي وايد طيبة لكن تدعين
القسوة

يتبع....................[b]

من طرف ???? الأحد فبراير 06, 2011 8:53 am

واااايد حلو الحمدالله انه هدى تعاطفت مع ساره لاتصيح بتاخذ حقها دام اختها تعاطفت معاها واايد مندمجه>>>> شفيج حنون منفعله، بس يلا نتنظر البقيه

من طرف راقص القبور الأحد فبراير 06, 2011 11:01 pm

سارة : يعني انتي الحين ياية تبين تقنعيني بانج مو راضية على اللي سواه ابوج هههههههههههههههههههه
هدى : لج حق ما تصدقين بس للاسف ماعرفتيني عدل
سارة : ولا ابي اعرفج بعدوا عني انتو شتبون مني؟
طلعت هدى من غرفه سارة واهي مو عارفة شنو تسوي هذا ابوها وبنفس الوقت قاعد يستغل سارة وامها ( معقولة ابوي جذي؟ معقولة ابوي يستغل بنته عشان صحته !!! ياخذ شي مو من حقه
وبالقوة !! يبة ليش تسوي جذي حرام والله حرام ) << هدى تكلم نفسها واهي ساندة روحها على الطوفة مو قادرة تمشي وتتوازن لان فيها ربو وحست بانها مختنقة
نروح شوي لامل وكاثرين اللزقة
كاثرين : so you dont have any number for sara?
امل انبطت جبدها لان مو بالعه كاثرين وخصوصا بهالوقت
امل : look kath i am so tired and am waiting some one so can you leave me alone?
انصدمت كاثرين من كلام امل لان اول مرة تكلمها جذي عصبت وطلعت من البيت واهي برة صادفت مارك طالعت له وطالعت بيت امل وضحكت ضحكه غبث
يطق الباب مارك وتقول امل تبطل الباب بعصبية على بالها بانها كاثرين
امل : what do you want <<< تقولها بعصبية واهي تبطل الباب
مارك : woow wooow calm down amal whats wrong?
امل : mark !! am so sorry i thought kath come in plz
مارك : its okay
يدخل مارك ويلقى الصور يطالعهم واهو متسمر بمكانه ويطالع امل اللي نست بان الصور على الارض تقوم تلمهم بسرعه وبهاللحظة يمسك ايدها مارك ويمنعها اتيي عين مارك بعين امل
يخيم السكوت عليهم وكل واحد بقلبه كلام لكن عاجز يقوله بدون اي شعور مارك يبوس امل وكل واحد ينسى نفسه وينسى اهو وين كانت هذي اول بوسة من بعد سنين من بعاد مارك عن امل
صح كانت هالبوسة ثواني لكنها خلت مارك يحن حيل لايامهم قبل هالثواني خلتهم يتذكرون شهر العسل لما كانو فالجبل والثلج يطق عليهم مارك يلاعبها بالثلج واهي تحذف عليه الثلج
يركض وراها يحاول يلحقها وما كان يسمع غير ضحكاتها العذبه واهي تتذكر لما كانو في المول تشتري نفنوف سهرة عشان تتعرف على اهل مارك تذكرت واهي بغرفة تبديل الملابس لما نادت مارك
يساعدها عشان تلبسه و اول ما دخل يساعدها سرح فيها وتم يطالعها لما حضنها وتم يبوسها ونسوا بانهم في غرفة القياسكل هالذكريات كانت تمر فبال كل واحد فيهم فجأة بعدت امل عن مارك
ولو ان قلبها كان بيوقف من كثر شوقها لحضن مارك
مارك : im sorry amal i didnt meant that
امل : me to , so are you still like drink my bear?
مارك : hhhhhhhhhhhhhhhhhhhhh till now you remember !!!
امل : i didnt forgot anything of our days
تموا يسولفون ويتذكرون ايامهم قبل مع بعض ويضحكون على المواقف اللي تضحك تأخر الوقت وما حسوا بهالشي مرت الساعات بسرعه البرق كأنها ثواني نروح شوي لبيت ممكن تكونون تعرفونه
تحديدا بغرفة النوم فيها شخصين بوضع جنسي وطبعا البيت بامريكا عشان توضح الصورة شوي تتوقعون منو هالاشخاص؟ وليش رحنا بيتهم فجأة؟

يتبع ...........

من طرف ???? الأحد فبراير 06, 2011 11:22 pm

وااااي سالفة صارت فيها بوس ومين هالشخصين رقوص
انتظر ..

من طرف YouSiF الإثنين فبراير 07, 2011 6:43 am

ناااااااااااايس Twisted Evil

ابداااااااااااع يامبدع خوووووووش قصه ويلا عاد لا تنطرنا ناطرينك يا الغالي cheers

من طرف Beesho0o الإثنين فبراير 07, 2011 8:33 am

عجيييييييبه والله ناطرينك لاتنطرنا واااايد ناطرينك

من طرف راقص القبور الإثنين فبراير 07, 2011 10:34 am

ان شاء الله ادري بتقولون وين الرعب فيها؟ بس بعد بارت بيبتدي الرعب وبحاول اختصر قد ماقدر لان ابيكم تعيشون القصة عدل << جب

من طرف ???? الإثنين فبراير 07, 2011 11:29 pm

عيشنا رقوووص ماعندي مانع انتظر ..

من طرف راقص القبور السبت فبراير 12, 2011 4:16 am

وصلنا لبيت فيه اثنين بوضع جنسي وتسائلتو وايد منو هذيل؟
اللي بالغرفة كاثرين وجانيت !!!
جانيت سحاقية عمرها 33 سنة تشتغل في شركة تامين بمنصب كبير وطبعا كاثرين تخون سارة مع جانيت اللي عارفة عن موضوع سارة كله وتحمست اكثر عشان موضوع فلوس سارة و امها
وصاروا يخططون على سارة اثنينهم شلون يستغلونها اكثر من قبل وكاثرين كانت تستغل سارة من قبل ومخليتها تصرف عليها مبالغ كبيرة واهي بدورها تعطي جزء كبير لجانيت ....
نروح شوي للكويت لغرفة سارة قاعدة بروحها تفكر شلون تقرر وفجاة راحت لغرفة منصور ولقته قاعد مع هدى وجاسم ولده الكبير
سارة : ممكن اتكلم معاك بروحنا؟
جاسم : شرفتي؟ اقول تكلمي محد غريب خلصينا ترى لاعت جبودنا منج ومن سيره امج
منصور : جاسم <<< يقولها بعصبية
هدى : جاسم تعال ابيك لو سمحت
جاسم : هههههههههههه تدافع عنها يبة؟ لالالا قول تتغشمر
منصور : انا ما دافعت بس تكلم بادب عالاقل جدامي
سارة : مثل ما انتو لاعت جبودكم انا صابني غثيان وودي ارجع الحين بس خسارة حتى اني ارجع فبيت مثل هالبيت استغلالي وانتهازي
منصور : تفضلي قولي شنو بغيتي؟
سارة : انا موافقة على شروطك بس ابي اعدل عليها شغلات بسيطة
منصور : اسمعج
سارة : ترد كل الحلال ولك ربع الربع من حلال امي
منصور : شنو؟؟؟؟؟؟؟؟؟؟
سارة : انا متاكدة راح توافق وعلى فكرة كل شي راح ترده بيع وشراء وعند المحامي اللي انا اختاره ويكون باسمي وانا بدوري احوله لامي
منصور : انتي جذي ما عدلتي
سارة : انا ما عدلت !!! منو اللي ما عدل فينا؟ انا واللي اخذ حلال مرة مالها حيله بالغش والخداع ؟ انا اللي ما عدلت والا اللي يستغل بنته باسلوب قذر عشان يسلبها صحتها ؟ منو اللي ما عدل
انا والا اللي حرم بنته و مرته من كل شي وعيشهم بعذاب سنين بس عشان تتركه برضاها وتتنازل عن كل شي؟ شوف منصور انا ما طلبت الا حقي ولاحظ بانك انت ناديتني بعد كل هالسنين
وبخدعه بعد لما ييت هني ساومتني على صحتي لما وريتني حلالنا لانك كنت عارف الفلوس بتحلى بعيني قلت لك موافقة لكن بشروطي وفي شي ثاني بعد اول شي نسويه بما انك تتكلم بلغه الغش
والخداع ابي اخذ احتياطي منك نوقع عند محامي ورقة او عقد كليتي مقابل حلالي وينكتب كل شي والشهود يكونون من طرفي و الورقة تكون عندي منها 3 نسخ اذا موافق من باجر نبتدي واذا مو
موافق هم بعد من باجر الم اغراضي وارد ديرتي امريكا
طلعت سارة من الغرفة واهي رافعه راسها وحاسه بانها ترد غش ابوها وحقارته بحركة ما هزته جدام عياله
جاسم : هالبنت مو هينة حتى يوم شافت الحلال حطت شروط على بالي بتوافق بسرعه
هدى : عجبني تفكيرها
يطالعها جاسم بنظرة عصبية
جاسم : انتي هي شنو عاجبج تفكيرها؟ انتي ينيتي؟ هذي عدوتنا شلون تتكلمين عنها جذي؟
هدى : لو كنت مكانها شراح تسوي؟
سكت جاسم ومنصور بعده ساكت
منصور : تدرون لو اني سويت فيكم جذي كنتوا سويتوا فيني شي ما يعلمه الا الله
جاسم : شقصدك يبة؟
منصور : انا اللي ربيتكم و لو سويت فيكم جذي كنتو ذبحتوني و ورثتوني لاني مربيكم لكن سارة اللي ربتها امل ربتها على الصح ربتها احسن تربية واهي بديرة غربة عفية عليج يا امل
عفية طمنتيني على سارة
جاسم : يبة شقاعد تقول؟ من صجك !!! احنا نذبحك؟ ليش الله لا اييب هاليوم
هدى تقرب من ابوها و تبوس راسه : يبة لا تقول هالحجي كلنا نحبك ونبيك تكون بخير بس انت ليش ماتبي غير كليه سارة في غيرها ملايين
منصور : جاسم لا اضحك على نفسي وعليكم انا عارف انا شنو وعارف انتو شنو وانتو بعد عارفيني وعارفين انفسكم ويا هدى بعدين بتعرفين شمعنى ابي كليه سارة باجر بتعرفين كل شي
صار اليوم الثاني وراحت سارة عند محامي من اختيارها وعرضت عليه الموضوع وقال انه بيسوي اللي اهي تبيه لكن بطريقة قانونية اكثر وتم كل شي مثل ما سارة بغت منصور وقع ورقة سارة
بشروطها وكلن راضي عن نفسه الا جاسم و خلف عيال منصور نروح شوي عند مكتب المحامي بعد ما طلع الكل وتمت سارة قاعدة تنتظر المحامي عشان تنشده عن شغله واهم في قاعه الانتظار
سارة : حمدلله والشكر هذي شفيها تخزني جذي؟
..... : انا وين شايفة هالبنت؟ بس لو تصد علي عدل عشان اشوفها
سارة : وليه شهالوهقة هذي شنو هالناس ليش يخزون جذي؟ اف متى ارد امريكا احس الكويت متغيرة من قلب <<< توج تدرين سارة بان الكويت صارت كلها خز مخازز؟
...... : عفوا مو انتي سارة؟
سارة : اي منو انتي؟
........ : هههههههههههه بذمتج مو ذاكرتني؟ انا ذاكرة ملامحج واسمج لكن اسم ابوج ناسيته لان من زمان ماشفتج متى رديتي من امريكا؟
سارة : اجاوبج لما تقوليلي انتي منو؟
....... : انا زينب ما تذكريني؟
سارة : زيييييييييييييييييييييينب !!! زينبوه يا الخايسة زينبوه ام السراويل؟
زينب : هههههههههههه اي الحين ذكرتيني
(( زينب رفيجه سارة قبل بالفريج وكانت معاها بنفس المدرسة وكانوا قراب حيل وسبب تسمية زينب بهالاسم زينب ام السراويل لانها كانت تحب تقط سروالها فجأة وتقطه على اي بنت وترك وراها
وتغني ياتكم زينبوه ياتكم زينبوه ))
سارة : لالالا مو صج تغيرتي حيل
زينب : بس بعدج ما تغيرتي بس ستايلج شوي متغير المهم طمنيني عليج شلونج شخبارج وامج شلونها ؟ متى رديتي للكويت؟
سارة : شوي شوي شوي شوي علي خل ارد على سؤال سؤال هههههههههههه انا بخير وامي بخير ورديت للكويت من كم يوم بس برد لامريكا قريب
زينب : ليش؟
سارة : سالفة طويلة يبيلنا قعدة ونسترجع ذكريات قبل ونسولف
زينب : اي والله سارة يا الخايسة اشتقت لج ولسوالفج اقول هاج اخذي هذا رقمي اتصلي فيني بليز
سارة : ماشي وهذا رقمي سويت لج مس كول الا ما قلتي لي شتسوين هني؟
زينب : ههههههههههه بقعدة استرجاع الذكريات اقول لج الحين لازم امشي تاخرت بس ضروري تتصلين لان الربع للحين ذاكرينج
سارة : ويييييييييييييه للحين من صجج !!!
زينب : ها لا يكون نسيتينا؟
سارة : لا والله كلكلم على بالي بس تعودت على غيابكم
زينب : حياتي والله من رحتي عنا واحنا انعفسنا اليوم بقول لهم واكيد بيستانسون خصوصا حسون
سارة : اوكي حبيبتي سلمي عليهم ومابي اعطلج ولو اني مشتاقة لج حيل
زينب : انا اكثر قلبي بس فعلا لازم امشي تيك كير اوكي
سارة : اوكي يو تو باي
زينب : باي

يتبع................................

من طرف YouSiF الأحد فبراير 13, 2011 8:17 am

ههههههههههههههههههههههههه اهم شي زينب ام السراويل خخخخخخخخخخ والله مت من الضحك بس عاد بويعقوب لاتطول علينا ترا خوووووووووووووووووش قصه وتسلم يمناك يا الغالي Wink

من طرف راقص القبور الأحد فبراير 20, 2011 5:44 am

تسلم عالمرور بو فواز يا حبك للسراويل
سوري طولت على ما نزلت هالبارت

نروح شوي لامريكا
المكان بيت ام سارة
مارك تم قاعد مع امل طول فترة غياب سارة اللي ما فكرت تتطمن على امها لو باتصال لكن كانت ترسل لها مسجات تطمن قلب امها عليها لان سارة تعودت بان تختصر الوقت وتنظم كل شي
وتخليه بوقته حست امل بان وجود مارك رد لحياتها الالوان من بعد ما كانت تشوفها بلون واحد كان مارك قريب منها حيل لكن بشكل ودي يجمعهم بيت واحد ومكان واحد لكن بنهاية اليوم ينتهي
كل شخص بغرفة و اول ما كل واحد فيهم يسكر باب غرفته وينام يتم حاضن الباب وينتظر الطرف الثاني اييله ويتكلم معاه باي شي مارك يحط راسه على الباب ويتنهد من كثر شوقه لامل
وامل تقعد عند الباب من كثر ما تنطره لحد ما يغلبها النوم غصبن عنها واهي على الارض هذا حال امل ومارك كل ليله و اول ما يطلع الصبح و يلتقون فبعض على طاولة الاكل كلن يخفي شوقه
وحبه ومشاعره بكل ثانية عاشوها مع بعض
الحين نروح لسارة و نشوف شنو سوت
اجرت سارة شقة بروحها لما قبضت نص الحلال على حسب الاتفاق قبل العملية لكن منو يونسها بوحدتها ومنو يرعاها لما تسوي العملية وخصوصا امها ولا كاثرين يعرفون بهالشي ماحبت تضايق
امها لانها عارفة ماراح ترضى ولا قالت لكاثرين على بالها بتخاف عليها مادرت بان كاثرين عادي عندها لو سارة قطت روحها بالنار عشان تسوي شي زين وفيه مصلحة لكاثرين
نروح لسارة شوي

do you think of me? do you dream of me? i always dream about you <<< نغمة سارة
سارة : hallo
.... : عفوا منو سارة الحلوة؟
سارة : هههههههه اي انا بس منو الحلوة اللي تكلمني
..... : لالالالا ماحبيتها منج يا صديقة الطفولة
سارة : زينبوه يا الخايسة ههههههههههه
........ : لا مو زينب شنو بس زينبوه تطري عليج اف للحين يعني تعزينها اكثر مني
سارة : هههههههه بس بس بس عرفتج مهااااااااااااااااااااااااااااااااا يا حياتي والله اكيد زينب قالت لج
مها : اي مها اللي قبيتي لامريكا ومافكرتي تتواصلين معانا
سارة : اشششششششش لا تقولين جذي والله ماكنتي عارفة شنو صار لنا من حقج تلوميني بس والله فعلا كنا ضايعين 3 سنين مو عارفين شنو نسوي او وين نروح لولا عمي مارك كنا متنا من اليوع
مها : مارك؟ منو عمو مارك عرفيني عليه بس ترى اذا مو اشقر مابيه واهم شي عيونه زرق وووووووو شنو بعد اممممممممم اي ويكون مجسم وشعره طويل وحلو مثله
سارة : حيلج حيلج هههههههههه يبة عمي مارك طليق امي كان زوجها بيوم والحين انفصلوا المهم ابي اشوفكم يا البايخة ولاتقولين ماقدر ترى انتف شعرج هالخشن
مها : عشتو لقيت له حل يا قلبي الله يخلي التمليس و اليوكو هههههههههه
سارة : ههههههههه طيب طيب متشوقة اشوفه المهم ها وين ومتى ترى ماعرف احد هني غيركم وغير هالغبر منصور وانا محتاجة لكم حيل مو شوية
مها : صار انا راح ابلغ كل الربع الحين
سارة : all right honey
( مها رفيجة سارة وزينب وكانت تغار من زينب حيل لان سارة وايد تعزها كونها اول صديقة لسارة - مها موظفة بوزارة حكومية على علاقة حب مققر لها الزواج بولد الفريج سلطان اللي اهو
صديق سارة بعد كونهم عاشوا بفريج واحد )
قامت مها واتصلت بسلطان و بدر ناصر و زينب ودلال و شوق وطبعا كلهم بفريج واحد وتربوا مع بعض وحددو مكان يلتقون فيه ما لقوا الا ان يلتقون باحد الكافيهات لزوم الصراخ والازعاج
واللمة الحلوة
الكل وصل وبانتظار سارة
ناصر : الله ياني متشوق امشع شعر سروي مثل اول
زينب : هههههههههه اي هين ان لقيت في شعر اصلا يبة مافي فرق بينك وبين سارة الحين
ناصر : عفوااااااااان ام السراويل
زينب : جااااب يا بو كشة عدال انت اللي كلش الحين
دلال : وااااي منكم بس شنو هذا ما تملون مداحر عفية عفية سكتو شتقول عنكم سروي الحين؟
سلطان : ابتشلنا بالهيلق
ناصر : حجي تكانة اسكت شوي لو سمحت
مها : الحمدلله والشكر انتو يا مينن ما تيوزون من سوالفكم عفية بس
سلطان : اقول الحب صايرة حلوة اليوم
مها : فديتك حبيبي عيونك الحلوة
بدر : شفيهم الكناري عشتو ههههههههههههه بوسها بعد قوم يلا يلا شناطر
سلطان : اقول انا ما المس مها الا بالحلال لو شنو ما المسها
بهالوقت اللي الكل يداحر الثاني فيه دخلت سارة عليهم الكل قام يسلم عليها ويلتف حواليها
بدر : سارة شنو هذا دشيتي التجنيد؟ ههههههههه <<< يصافحها ويتغشمر معاها
دلال : وااااي سوري فديتج يمة صايرة تهبلين يا الخايسة <<< تبوسها وتحضنها حيل
سارة : دلول عفية شوي شوي درينا انج فتوة الفريج ههههههههههههه
( دلال كان حلم حياتها تلعب تيكواندو لكن لما كبرت نست الموضوع بس كانت تحب تكون فتوة الفريج وتتهاوش مع كل الصبيان لكن الحين بمنتهى الانوثة والرقة )
ناصر : ارحبووووووووووووووووووووو بالزين كله << يصافح سارة ويسلم عليها
سلطان : هلا والله هلا بسروي شلونج ابوي؟
سارة : الحمدلله مشكورين وايد انتو شلونكم؟
الكل : والله كلنا بخير الله يسلمج
سارة : يا جماعه سامحوني لاني ما تواصلت معاكم لكن فعلا الحياة اجبرتني ابعد عن كل شي غصب عني
بدر : سارة اهم شي رديتي لديرتج
سارة تقاطعه : ومنو قالك باني رديت؟ انا ياية بشغل وارد
دلال : شغل !!!
بدر : بتبشغلين هني سروي؟
ناصر : يبة شفيكم اكلتو البنت اكل خلوها تاخذ نفسها بالاول
زينب : يعلكم بالفقر يارب توكم مستلمين رواتب طلبو للبنت شي يا مال الضعفة
شوق : بل بل بل بل دعاويج والقبر انتي شنو عيوز ؟ ههههههههههههههههههه اي صج سروي جد صايرة حلوة
سارة : عيونج الحلوة قلبي
وتم اول لقاء بينهم بضحك وغشمرة و سوالف ويتذكرون ايام قبل وايام الفريج وهني قالت لهم سارة باللي صار معاها ومع منصور
شوق : جبح ويه شهالابو ياربي؟
ناصر : طيب وانتي الحين متى بتسوين له العملية يعله ما يتشافى يا رب
سارة : بعد اسبوع المهم محتاجتكم يا جماعه وفعلا شوفه زينب صدفة ربي بيساعدني ويوفقني لاتخلوني بليز محتاجة لكم
سلطان : افا عليج سارة احنا كلنا هني خوانج وربعج وكلنا فدوة لعيونج بس قوليلنا شنو تبينا نسوي؟
سارة : لما اسوي العملة ناصر وبدر وسلطان ابيكم تتأكدون بان المبلغ بيكون جاهز فلوسي وحلالي الباقي و شوق وزينب ومها ابيكم تكونون معاي وقت العملية وبصراحة محتاجتكم حتى لما اطلع
زينب : سروي شهالحجي احنا خواتج و بنوقف معاج اكيد ومانخليج الا وانتي واقفة على ريولج وتركضين ورانا مثل اول ههههههههههههه
الحين الكل صار عارف شنو بيسوي بعد اسبوع
ناصر : اقول
شوق + زينب + دلال + سلطان : قول
ناصر : بعد ما تطلع سارة من العمليات باذن الله وتتشافى مجهز لكم مفاجأة واللي يقول لا بزعل منه
بدر : مفاجأة شنو تحجى يا ويعه
ناصر : ما اشتقتو لينون قبل؟
سارة : ههههههههههه امبيه اي والله كنا صج ميانين
شوق : شنو بتسوي هالمرة قول عشان يمكن ينفع قبل لا تسوي سارة العملية ؟
ناصر : قلب الاسد
دلال : نصور !!! شنو قلب الاسد
ناصر : لعبة قديمة اسمها قلب الاسد كل يوم الصبح نروح للمقبرة ونختار اسم ميت بوسط المقبرة وبالليل يكون دور شخص يروح يحط وتد عند قبر الشخص اللي اخترناه و ثاني يوم نروح ونشوف
قلبه قلب اسد وحط الوتد والا خواف؟
سارة : what a fuckin game man hhhhhhhhhhhhhhhh
ناصر : تعجبيني يعني موافقة
سارة : sure bro go and am with you
زينب : مياااااااااااااانين والله ههههههههههه انا من الحين اقول لكم انا خوافة مووووووووووووت
مها : مي تو هههههههههههههههه بس حبيبي بيروح عني صح يالغالي؟
سلطان : يا روح الغالي اكيد حبيبتي بروح عنج
ناصر : كله تمام بس سروي تقوم بالسلامة بيكون هالقيم ترحيب لسروي ولردتها لنا وبعدين اقول بس تردين لامريكا اتيين لنا مو تقبين مثل قبل ترى هالمرة عذرناج
سارة : لا طبعا بكون على اتصال معاكم ان شاء الله
بدر : سارة غيرتي ديانتج؟
سارة خشت الصليب اللي طلع من فوق قميصها بدون لاتحس : اي غيرتها ليش؟
بدر : بس انشد لان توج قلتي ان شاء الله وانتي الحين مو مسلمة عدل
سارة : صج قلت !!! ما انتبهت <<< حست باحراج كبير غيرت ديانتها لكن بعدها تقول ( ان شاء الله ) بلهجة عربية مسلمة
سلطان : نويصر والله خوش فكرة فكرتك حدي متحمس <<< شقح عن الموضوع يبي يطلف الجو بعد ما شاف بان سارة تضايقت وانحرجت بنفس الوقت

يتبع ..................................

من طرف lady_sweet الأحد فبراير 20, 2011 9:47 pm

بنتظااااار الباااااارت الي بعدوواااا خيي..
خلك على راااحتك اموووووووووووووواااااووووووح

من طرف YouSiF الجمعة مارس 04, 2011 11:43 pm

بويعقووووووووووووووووووووووب وينك ترك وايد طولت علينا ناطرينك بس جنك نسيتنا خلص البيبسي وخلص البوب كورن وانت ماييتنا Suspect

من طرف راقص القبور السبت مارس 05, 2011 12:31 am

سوري حبيب قلبي تاخرت حيل لان انشغلت فبيتنا شوي وماكان عندي وقت وايد اكتب او ادش النت وعد بحط بارت هاليومين

من طرف ???? الأحد مارس 06, 2011 1:36 pm

عجبتني لعبة قلب الاسد لوووووووووووووووووووول مو منك من افلام الرعب الي تشوفها بويعقه

من طرف راقص القبور الثلاثاء مارس 08, 2011 4:39 am

قصدج من افلام الرعب اللي عايشها ولعبه قلب الاسد لعبة حقيقية وقديمة ووايد يلعبونها خصوصا بالسعودية كنوع من اثبات القوة وتحديد قائد الشلة على قولتهم

من طرف ???? الثلاثاء مارس 08, 2011 2:53 pm

صح كلامك بويعقه انا اشوفها بلافلام وايد بس ماهقيت ان يلعبونها بالسعوديه لان ان جكوهم الهيئه بيدعسون الوتد بطيازتهم

انزين لاتضيع السالفه وكمل القصه