ما احتاج ليوم معين

من طرف راقص القبور الأحد مارس 07, 2010 11:34 am

احبج

اموت فيج

حياتي ظلمة بلياج

لو خسرتج!!!
ااااااااااااااااااااااااه خسرت الدنيا وماشوفها مثل ما كنت اشوفها معاج
روحي فداج

والعمر؟

ااااااااااااااخ منه ما اعده دام ما شفتج

قربج يسعدني وشوفتج يا محلاها من شوفه

لامني قلت الاه لقيتج

اعجز اعبرلج عن حبي

اعجز اعبرلج عن احساسي

لو ما شفتج احس اني ميت

ومن اشوفج يا الله شكثر ارتاح

اتعب واداريني

اتضايق وتهونين علي

شلتيني وانا صغير

وانشالله بشيلج وانا كبير

يمة ما احتاج ليوم معين عشان اعبر لج عن حبي الناس اتخذت لهم يوم يهادونج فيه لكني

اهديج عمري كل يوم

اهديلج قلبي كل لحظة

اهديج روحي العمر كله

رضاج يا يمة بالدنيا

ان كسبته توفقت بدنيتي وباخرتي

وان خسرته خسرت دنيتي واخرتي

ربي يحفظج لي يا يمة واكون بار فيج مثل ما بريتي فيني وانا صغير

تحملتي

شقيتي

تعذبتي

ولا تخليتي عنا ابد

كل هالكلام اللي قلته قليل بحقج يا اعظم ام بالكون

ليت اتييني الشجاعة واقولج هالكلام اقولج احبج يا يمة اصرخ باعلى صوتي واهز العالم بكلمة احبج

ربي يحفظلكم امهاتكم ويحفظلي الغالية ويرحم ام من فقد امه ويصبره على فراق اعز انسانة بالكون

من طرف ???? الإثنين مارس 08, 2010 5:37 am

[ندعوك للتسجيل في المنتدى أو التعريف بنفسك لمعاينة هذه الصورة]

انا اذا احتفل بعيد الام دايما اجيب هديه حق الماما والبابا

الله يخليهم لي ويخلي اهليكم لكم يارب ... حبيت انوع لكم اغاني القديمه واليديده حق الام ان شاءالله تعجبكم واقول احبج يا يمه ..

[ندعوك للتسجيل في المنتدى أو التعريف بنفسك لمعاينة هذا الرابط]

من طرف راقص القبور الإثنين مارس 08, 2010 6:10 am

يسلمو قلب على الاغاني الروعة انا من امس محتفل هههههههههه

من طرف ???? الإثنين مارس 08, 2010 6:25 am

يويو انت اصلا ما يطوفك شي ..

من طرف Admin الإثنين مارس 08, 2010 6:38 am

آنا قصتي قصة مع أمي لو أرويها لكم أقسم بتدمع عيونكم باختصار بدون ذكر تفاصيل محزنه , أمي كانت بنتي الصغيرة أحبها أكثر من نفسي وكنت أحس فيها احساس شديد لي درجة اسمعها تناديني بعض الاحيان واذا دقيت عليها سألتها فيج شي تقولي اي , وكنت أعالجها دايما برا الكويت بالولايات المتحدة الأمريكية , كنت أعيش معها أحلى أيام بحياتي وكنت في بعض الأحيان أغيب عنها بسبب اني أحب العزلة كنت أسافر بالأشهر لأمريكا وشاءت الأقدار وتحت ظروف معينه سافرت أمي للعلاج بالأردن على حساب الدفاع و لأول مرة بحياتي ما كنت أرافقها في علاجها بعد 7 جلطات بالمخ وكسر بالجمجمه , تصوروا كانوا اخواني يخشون عني انها مو بخير وانها في العناية المركزة وتوفت وآنا بعيد عنها حسيت اني خلاص انا اللي طلعت روحي وحاشني فوبيا من الادوية وخوف من تقدم السن وكل ما اشوف شايب او عجوز احس باختناق شديد لي درجة احس بالموت .

امي كانت صديقتي وكاتمة اسراري وتعرف عني كل صغيرة وكبيرة وخالتي تقولي اهلا بزوج اختي تصوروا

وانحرمت منها ولليوم احاسب نفسي اني ما كنت معاها في رحلة علاجها الاخيرة في الاردن كان معاها اخوي اللي اصغر مني واختي اللي اكبر مني و لأن ما كان في احد منهم يعرف تاريخها الطبي كثري احساسي كنت مقصر يعذبني كثيييييييييييييييييييييييييييييير

الله يرحمها برحمته ومثواها الجنة بإذن الله

تحياتي

من طرف راقص القبور الإثنين مارس 08, 2010 8:14 am

الله يرحمها ويغمد روحها للجنة الحمدلله انك بريت فيها وهذا شي حلو واحساس لا يوصف الام مصدر الامان والراحة وانشالله تلتقي فيها بالاخرة اعذرني ماتوقعتك بتتحسس جذي اعتذر - حلوة للام حق وهذا اقل شي نقدر نسويه لها

من طرف ???? الإثنين مارس 08, 2010 8:24 pm

أدمن حسيت بكل كلمة كتبتها اثرت فيني وادمعت عيني حسيت بكل حرف واحساسك الصادق لفراق الوالده بس الي فهمت انك ما قصرت معها وكنت الشخص بار للوالده وكانت ونعم الصديقه لك .. لاتحاسب نفسك انك ما رحت العلاج الله كاتب لك .. انك ما تروح . بس انا فاهمه وحاسه فيك كنت تتمنى تكون جنبها في آخر لحظه .. وترحم لها والله يرحمها ..

حصلت هالأغنيه وبكيت ..

[ندعوك للتسجيل في المنتدى أو التعريف بنفسك لمعاينة هذا الرابط]

من طرف Admin الإثنين مارس 08, 2010 9:33 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف راقص القبور الثلاثاء مارس 09, 2010 6:45 am

صح كلام حلوة المهم انك بريت والله ما كتب انك تروح معاها ويمكن خيرة لك انك ماتشوفها باخر لحظاتها

من طرف ???? الإثنين مارس 22, 2010 2:39 am

كلام يويو صح ..

ما احتاج ليوم معين

ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين

رد: ما احتاج ليوم معين