حالتك طبيعية ؟

قبل كل شي ، اتمنى نتكلم في نقاط بسيطة عن معنى كلمة طبيعي :

* الطبيعي هو ما يحصل من فعل - قول - عمل عند الغالبية من الناس ، مثلا الحب ، الجوع ، النمو ( قد تطلق على الميول عند البعض )
* أو أنه موجود في الطبيعة ، مثل الدفاع عن النفس ، التمسك بالحياة ، المثلية

==

انزين .

احنا في هالمنتدى نخاطب البويات بصيغة مذكر ، ومؤمنين بأن بوياتنا مثل مايسمونهم pure واصليين .

وربما يكونون في المنزل - المجتمع نفس الشيء يعاملونهم بأنهم ولد .

انا أعرف بوية دايما يعاملونها على انها ولد ، آخر مرة كانت محلقة شعرها في صالون رجالي ، على درجة 1 مادري 2 .

هذي البوية ابوها يوم انولدت ما كان يبيها بنت ، كان يبي ولد ، وطبعا من يوم اهي ياهل يلبسونها ملابس صبيان ويعاملونها على انها صبي .

طبعا حالتها يمكن غريبة ، لأن الأهل في الغالب ما يوافقون على هالشي ، لكن اهي يعاملونها على انها ولد واهي مافيها اي عيب خلقي او مشكلة مرت فيها ، أو ميول من الطفولة ، لكن الظاهر على المعاملة صارت جذي !

صج طولت في قصتها بس ماعلينا .

هل بينك وبين نفسك تحس ان اللي تسويه صح وطبيعي لك انت؟ مثلا هرمونات - عيب خلقي - شي اجتماعي ( بنت بين ذكور مثلا ) - ميول فطرية منذ الطفولة - موقف


هل هذا الشيء في صالحك ؟

هل تحس انك على طبيعتك جذي او انك تتصنع؟

هل تحب يكلمونك بصيغة ذكر أو أنثى ؟

وهل كونك بوية انسب لك ؟

شنو يكون ردك على الأشخاص اللي يتفلسفون عليك ( المدرسة ، الجماعة ، الشغل ، الشارع ، الأهل ، البيت ) وغيره ؟

شنو همومك وشنو افكارك بينك وبين نفسك ( تتمنى يعطونك حرية في ان تكون كما تريد - تتمنى تعرف شنو اللي يناسبك ، تتمنى ان تكون ولد ، أو تبقى بوية ، تحس الناس ظالمينك لانك في البطاقة مصنف : أنثى ، تحس ان نوعك غلط ) شي ثاني كتبوه .

وأخيرا أتمنى الكل يشارك معاي ، ونعرف افكار وهموم واهتمامات وقصة كل شخص في هالمنتدى .

سلملم : ))

كـ al-3aneed ـرميلو



have a nice day

عندي تعليقات كثيرة على موضوعك بس انا شابك من الفون و يعلق و ما احب اذا تطرقت لموضوع يشدني و عندي رد صافي اشبك من الفون خل اشبك من لابي و بتعرف جوابي

هلا ...
كل سبب له مسبب ...
لو كنت بوية كان جاوبت ...
أترك المايك لغيري من الأعضاء يفيدونك ...