احلى شي صار بينك وبين حبيبتك....؟؟؟؟

امممم
صج انها بتكون ذكرى جميلة ومسجلة بالذاكرة..

...

طبعا اللي جمع بيني وبين الحب القبلي ( الصدفة)

قبل كانوا اهلي مستقرين اكثر شي بدبي
يعني نادرا مايسيرون بوظبي او العين كانوا بس يقضون بعض اوقات الاجازة هناك..

طبعا ماكملت دراستي الجامعية بالعين وقررت اكملها فبوظبي
خذيت دورة فبوظبي واطريت اسكن مع ربيعتي بالشقة المخصصة لنا عسب الدورة

المهم بيوم من الايام ربيعتي يابت معها اختها (ياسر) بوظبي لانها اصلها من الشماليةوكان ياسر عندة اثر صغيره فجبهته يريد يخوزها فمستشفة النور (عملية)

طبعا اربيعتي ماخبرتني انها بتيب حد معها
وانا توي كنت طالعه من الشور ولابسه ( الروب )
وطبعا حسيت حد دخل الشقة فعرفت انها ربيعتي
فتميت عادي بالروب اسوي كريمات وبودر
وجان ربيعتي تفتح الباب علي
للحين الوضع عادي
حتى ماصديت صوبها تمين اسوي كريم والروب علي واسولف معها وااسالها عن اخبارها واضحك وجي

والنذلة ماخبرتني ان اختها (ياسر ) معهاطبعا ربيعتي واقفة على الباب تسولف وياسر وراها

وهو يسمع كل شي
الا شوي ويدخل وراها
اويه جنها يتني صاعقة كهربائية
<--- حسيته صج بووي
استحيت صراحة وبنفس الوقت اضايجت من ربيعتي ليش ماخبرتني
وليش هو يدخل وراها الغرفة
بس سكت شليت ملابسي وطلعت الباث روم اكمل لبسي
( طبعا ياسر اول ماشافني هو استحى حدة حتى السلام عليكم بالغصب طلعت منه)

لبست ورديت الغرفة وتميت اسولف مع ربيعتي
وياسر كله ساكت وماسك الفون يلعب فيه (كان بهالوقت ياسر شابك يعني يحب وحدة)

المهم (بيني وبين نفسي كنت اجاملة بالقعدة يعني صج مادخل خاطرية ماعرف حسيته خقاق وايد بس ستايله كان طر)

ربيعتي يزاها الله خير كانت كل شوي تطلع اما انا اخلص دوامي وارد ارتاح من الطفرة وين اطلع مليت

انا كنت بوقت فراغي اقعد اجابل الاب توب وهو مجابل الفون (ويطلع برا صوته يوصل لاخر الدنيا يضارب مع حبيبته )

اوقات كنت اتعب من شاشة اللاب توب اصد ابي اطالع التيفي وانا اصد هو يصد راسه ( حسيته كان يالس يطالعني مايطالع الفون)
المشكلة انه كله ساكت
طبعا على هالحال طوول الاسبوع وفليل ماكان يرقد كان يترياني ارقد وطووول الليل ايلس يطالعني (طبعا كيف عرفت هالاعترافات قالها لي بعدين بعد ماحبينا بعض)

خلص الاسبوع انا سرت دبي وهو رجع مع ربيعتي الشمالية

امممم بيوم الجمعه المسا ياني مسج مكتوب فيها كلامات حب واعجاب وحركات

قلت اكيد وحدة من ربيعاتي تبا تسوي مقلب فيني
تمت هالحالة لثاني يوم تقريبا فوق 70 مسج عشق وغراب وانه بوويه تبا تتعرف علي وجي

المهم حسيت انه هو (اخر شي تعب دق علي وتم يسولف معي وكلة يسمعني اغنية حسين الجسمي " بلغ حبيبك" انا بعد كنت بهالوقت شابكة

اعترف لي انه سرق رقمي من فون اخته استمر يرمسني تقريبا شهر ومرة يا يلس معنا فبوظبي اسبوع عسب المراجعه
بهالاسبوع قضناه كله طلعات
لكن فطلعه من الطلعات (للتزلج)
تموا شباب يلاحقونا كنا 4 بنوتات وياسر
وكلة يمشوا ورانا ويعلقون على اللون الوردي والشنطة الجينز المورد وانا اللي كنت لابسة وردي وعندي هالشنطة
حسيت ياسر حدة معصب ومضايج بس مشكلته كلة ساكت
المهم وصلنا وين موقف الدريول واول من ركب السيارة ربيعتي اخت ياسر بعدين انا وربيعتي عهود كانت تبا تيلس حذالي بس ياسر سبقها وركب السيارة عشان ايلس معي واول ماركب وجان ويهه ايي على ويهه حسبوا جم ثانية ونظرات الاعجاب طالعه من عينه اويه صج وقف قلبي بهالوقت وعلى جي اكثر من موقف حسيت انه حدة يحبني بس ساكت لاني شابكة وهو مش واثق اني بحبه ( بس من كلامة واهتمامة حسيته يحبني )
فيوم من الايام وانا ارمسه فون ماذكر شو قالي اتاكدت انه مليون بالميه يحبني جان اقولة ياسر انت تحبني
سكت (شكلة من الاحراج تخدر)
قال صراحة من اول يوم شفتج اعجبت فيج واعجابي مش اي اعجاب عرفت اني احبج لاني بعمري كلة علاقات ادخل علاقه واطلع منها وانا جريئ وايد بس ماعرفتج شو بلاني ماعرف اتغير حالي 180 درجة استحي احط عيني وبيعينج ومن اسمع صوتج يدق قلبي و....و.....الخ



بس تعبت من الكتابة قصتي طويلة بس المهم عطيتكم نبذة عن صدفة حبي


تشاو حبايب قلبي