ما هو الشيء الذي غير حياتك..؟؟
+10
A7LA_kyOoOT
abu.alsho0osh
سرابو
haneen
راقص القبور
رنوووم
q8boya
جوجو
LoOoTY
YouSiF
14 مشترك
صفحة 1 من اصل 2
صفحة 1 من اصل 2 • 1, 2
ما هو الشيء الذي غير حياتك..؟؟
ما هو الشي الذي غير حياتك ؟؟
يعيش الإنسان فترة من الزمن في ركود تام أو روتين قاتل
ولكن فجأة يظهر في حياته أمر أوشيء يقلب حياته 180 درجة ..
يغير حياته ويجعل لحياته معنى وهدف ويقلب موازينه ويجعله يعيش
ويستمتع بكل لحظة في حياته وكأنها آخر لحظة في حياته يعيشها
بكل حب وبهجة وسعادة ومرح ..
و الآن ما هو الشي الذ ي غير حياتك ؟؟
هل هو كتاب قرأته :
دورة حضرتها :
معلم علمك :
هل هي خطبة سمعتها :
هل هي محاضرة :
أوشخص قابلته :
أو وفاة عزيز :
أو فقد محب :
أو بلاء إنسان :
أم شريط سمعته :
هل هو إنتقاد من شخص كان له بالغ الأثر في نفسك :
أم نصيحة صديق محب :
أم أنك أحببت شخصا:
وانتو بنات وبويات شنو اللي غير حياتكم او ليلحين الحياه عندكم راكده..؟؟؟؟؟
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
يشرفنــي اكون اول بنـــي آدم ايــرد على الموضوع ..
بصراحه انا عشت يمكن 3 مراحل من حياتي في كل مرحله صادفني شي وغير من منهج حياتي بقولها بالمختصر << ادعو انشالله يختصر ..
المرحله الاولى : كنت وايــــد حركــــي ما عندي للركود والهدواة مكـــان في حياتي .. اتعرضــت لحادث انصدمت بسياره و الله لطف انه ما كان مسرع و شفت شريط حياتي كله جدامي ..
المرحله الثانيه : من بعد الحادث مرت علي سنين من عمري وانا فحاله خوف من اي شي يتحرك جدامي واحب الانطوائيه وما احب حد ايشاركني اي شي بحياتي اتوحدت يعني ... قابلت مدرسه فالمدرسه والله يحفظها وايخليها لعيالها و يشفيها من المرض الي صابها غيرت نظرتي فالحياة وفهمتني كل شي و ثقفتني بكل امور الحياة ..
المرحله الثالثه : صابني مرض واعتقدت انه حياتي بتنتهي لاني بذكائي الخارق كنت افتح النت واشوف المراحل الاخيره من هالمرض بدل ما اشوف اذا كان له علاج او لا وانكست .. وفنفس الوقت حبيت وحده وما كانت تستهال دمرتني ... الي غير حياتي ومستمر معاي ولين الحين وخفف عني اوجاعي وكان يسهر معاي الليل ويقرا علي من كتاب الله الكريم هي حبيبـــــتي وهيه الي قوتني على ويعي النفسي والعاطفي و الجــسمي وروتني انه الدنيا حلوه وبعدها بخير وغيرت مفاهيم بحياتي و اشــكرها من كل قلبي لو مو وجودها بحياتي كنت انا الحين بأردى حالاتي .. الله لا يحرمني منج بالغاليه ..
سوري طولت ..
بصراحه انا عشت يمكن 3 مراحل من حياتي في كل مرحله صادفني شي وغير من منهج حياتي بقولها بالمختصر << ادعو انشالله يختصر ..
المرحله الاولى : كنت وايــــد حركــــي ما عندي للركود والهدواة مكـــان في حياتي .. اتعرضــت لحادث انصدمت بسياره و الله لطف انه ما كان مسرع و شفت شريط حياتي كله جدامي ..
المرحله الثانيه : من بعد الحادث مرت علي سنين من عمري وانا فحاله خوف من اي شي يتحرك جدامي واحب الانطوائيه وما احب حد ايشاركني اي شي بحياتي اتوحدت يعني ... قابلت مدرسه فالمدرسه والله يحفظها وايخليها لعيالها و يشفيها من المرض الي صابها غيرت نظرتي فالحياة وفهمتني كل شي و ثقفتني بكل امور الحياة ..
المرحله الثالثه : صابني مرض واعتقدت انه حياتي بتنتهي لاني بذكائي الخارق كنت افتح النت واشوف المراحل الاخيره من هالمرض بدل ما اشوف اذا كان له علاج او لا وانكست .. وفنفس الوقت حبيت وحده وما كانت تستهال دمرتني ... الي غير حياتي ومستمر معاي ولين الحين وخفف عني اوجاعي وكان يسهر معاي الليل ويقرا علي من كتاب الله الكريم هي حبيبـــــتي وهيه الي قوتني على ويعي النفسي والعاطفي و الجــسمي وروتني انه الدنيا حلوه وبعدها بخير وغيرت مفاهيم بحياتي و اشــكرها من كل قلبي لو مو وجودها بحياتي كنت انا الحين بأردى حالاتي .. الله لا يحرمني منج بالغاليه ..
سوري طولت ..
LoOoTY- Super Visor
- عدد المساهمات : 1815
تاريخ التسجيل : 02/04/2010
رد: ما هو الشيء الذي غير حياتك..؟؟
ما ادرى ما اعتقد بانه هناك شئ يغير حياه الانسان كثر ما تحركها صدمته بحبيبه خصوصا لما يكون مشى معاه بالمره قبل الحلوه وبالاخير يكتشف انه ما يستاهل اى تضحيه اهو ضحاها على شانه
بس بجد فى لحظات نشتاق ونوله ولكن ادرى انى اشتاق لسرب
علشان جذى الانسان ما يحب احسن
((آنا و فنجاني الأبيض ,
فقدنا " جلستك " معنا ,
فقدنا " روحك " الحلوّه .. !
.... و فقدنا " سُكّرك " فيها ,
و صارت قهوّتي مرّه ,
و صرت آكتب
حروفك شوق بـ لون ,
.............. النسكافيه المُرّ !
بس بجد فى لحظات نشتاق ونوله ولكن ادرى انى اشتاق لسرب
علشان جذى الانسان ما يحب احسن
((آنا و فنجاني الأبيض ,
فقدنا " جلستك " معنا ,
فقدنا " روحك " الحلوّه .. !
.... و فقدنا " سُكّرك " فيها ,
و صارت قهوّتي مرّه ,
و صرت آكتب
حروفك شوق بـ لون ,
.............. النسكافيه المُرّ !
جوجو- عدد المساهمات : 7
تاريخ التسجيل : 01/10/2010
العمر : 43
رد: ما هو الشيء الذي غير حياتك..؟؟
يعطيك العافيه يوسف
انا كل كتاب اقراه لباولو كويلو يغير فيني شي .. هالكاتب بصراحه احبه وايد و كلامه يعجبني
الحب غير حياتي .. كنت ما اؤمن فيه .. و لا اعرفه اصلاا شلون صاير .. بس قابلت وحده و هي غيرت نظرتي لهالشي .. و خلتني افهم شنو هو الحب .. حبيت نفسي .. روحي .. و حبيتها .. من كثر ما قمت احب .. قلبت روحاني ههههه
اخر موقف غيرني وايد هو وفاه الوالد من 10 اشهر تقريبا.. وفاته مزعلتني وايد لاني فقدت شخص كان قريب مني و فاهمني اكثر من اي احد .. بس بنفس الوقت خلتني احس بالمسؤليه .. قمت اتفادى الغلط و احاول احافظ على نفسي وودي اكون الاحسن عشان هو و امي يرضون علي و يرتاحون و ما يحاتوني .. احس ان هالموقف خلاني انضج وايد و اتغير بطريقه ايجابيه مع انه الماساه الحقيقيه اللي عرفتها بحياتي
مشكوور قلب
q8boya- عدد المساهمات : 301
تاريخ التسجيل : 03/08/2010
العمر : 38
الموقع : kuwait
رد: ما هو الشيء الذي غير حياتك..؟؟
لوووتي..
والله الشرف لي انا يا الغالي
اولا يعطيك العافيه حبيب قلبي على مرروك..
ثانيا..
الله يخليها لك ولا يحرمك منها انشالله
والله الشرف لي انا يا الغالي
اولا يعطيك العافيه حبيب قلبي على مرروك..
ثانيا..
الله يخليها لك ولا يحرمك منها انشالله
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
جوجو..
حياتي مشكوره على مرورج..
بس انا من وجهة نظري اشوف انا مفهومج عن التغيير غلط..!!
لأنه في واااايد اشياء تغير الحياه غير الخيانه والجرح..
ممكن يكون كتاب..حكمه..كلام من شخص..ممكن حتى يكون فيلم..!!
اتمنى اللي صارلج ما يحبطج بالعكس يعلمج شلون تقوين على الجرح وتتخطينه..
حياتي مشكوره على مرورج..
بس انا من وجهة نظري اشوف انا مفهومج عن التغيير غلط..!!
لأنه في واااايد اشياء تغير الحياه غير الخيانه والجرح..
ممكن يكون كتاب..حكمه..كلام من شخص..ممكن حتى يكون فيلم..!!
اتمنى اللي صارلج ما يحبطج بالعكس يعلمج شلون تقوين على الجرح وتتخطينه..
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
دودو..
الله يعافيك حبيب قلبي
للأسف ما اعرفه بس بقرا واتمنى اني استفيد
والله يخلي الحب لك انشالله ولا يحرمك منها ..
والله يرحم الوالد انشالله..
العفو حبيبي ومشكوووور على مرورك
الله يعافيك حبيب قلبي
للأسف ما اعرفه بس بقرا واتمنى اني استفيد
والله يخلي الحب لك انشالله ولا يحرمك منها ..
والله يرحم الوالد انشالله..
العفو حبيبي ومشكوووور على مرورك
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
العفو يا بعد قلبي .. الشكر لك انت على هالمواضيع الحلوه
و على طاري الكاتب .. اكيد انت سامع بالكيميائي .. هالقصه وايد مشهوره .. نزلها .. قصيره و رووعه .. اقراها و انت راح تدمنه هههه
paulo cohelo - The Alchemist
يسلموو حبيبي .. و تيك كير
q8boya- عدد المساهمات : 301
تاريخ التسجيل : 03/08/2010
العمر : 38
الموقع : kuwait
رد: ما هو الشيء الذي غير حياتك..؟؟
حبيب قلبي انت والله
لا شكر على واجب..
خلاص ماشي قلب اقراها واقولك رايي
لا شكر على واجب..
خلاص ماشي قلب اقراها واقولك رايي
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
انا مااحس ان تغير شي بحياتي تعبت واشتغلت واعتمدت على نفسي ورجعت ادرس وقفت دراسه لاسباب خاصه ، والحين مااشتغل اخلص اموري العاديه لاجديد عندي اما من ناحيه الكتاب من زمان ما قريت كتاب ..
بس شي اليديد يمكن الي بسوي بشتغل عارضه ازياء بس باشوف هالموضوع لانه يمكن يبون عمر معين حق العارضه .. لانه دايما يقولون شكلي ما يبين اني كبيره وفيسي حلو مادري .يسلموا على الموضوع
بس شي اليديد يمكن الي بسوي بشتغل عارضه ازياء بس باشوف هالموضوع لانه يمكن يبون عمر معين حق العارضه .. لانه دايما يقولون شكلي ما يبين اني كبيره وفيسي حلو مادري .يسلموا على الموضوع
????- زائر
رد: ما هو الشيء الذي غير حياتك..؟؟
ايوا ايوا ايوا يا عارضة الازياء
يسلمو حبي على مرورج
يسلمو حبي على مرورج
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
واايد اشياء غيرت حياتي و الشي اللي اعتز فيه الكتابه طبعا انا فيني ادمااااااان روايات .. هالشي اثر فيني وبديت اكتب .. كانت بدايه حلوه وقويه يعني كتبت حول ال500 صفحه وكتبت روايه غيرها والحين جاري كتابة الثالثه الي باختصار بتكون حياتي وحياة من حولي و كل سنه انزل جزء اختصر فيه اللي صار فيها
والله الكتابه شي حلووووو انا نوعي مستحيييييييل اشكي لحد لو تنطبق السما عالقاع ما اقول اللي بقلبي والكتابه كانت exit حق اللي داخلي احط الحره بالابطال واحقق احلامي بحياتهم و احط همومي بقلبهم وهالشي خلاني ارتاح واااااايد
وشي ثاني غير حياتي للاسوأ دلع اهلي الزايد انا تربيت عاللي ابيه يصير من غير اي تقصير الحين عمري 19 جني اغوو دادا ما اعرف اتدبر ولازم اعتمد على غيري ادري اذا طحت في احد يلقفني بس اذ يا اليوم اللي تحدني فيه الدنيا محد بيفيدني غير روحي اللي ما تعودت تسوي شي احس اني راح اضيع بالدنيا لاني ما مشيتها بروحي وتعودت احد يدليني
بث خلااااااااث قرقت وايد
والله الكتابه شي حلووووو انا نوعي مستحيييييييل اشكي لحد لو تنطبق السما عالقاع ما اقول اللي بقلبي والكتابه كانت exit حق اللي داخلي احط الحره بالابطال واحقق احلامي بحياتهم و احط همومي بقلبهم وهالشي خلاني ارتاح واااااايد
وشي ثاني غير حياتي للاسوأ دلع اهلي الزايد انا تربيت عاللي ابيه يصير من غير اي تقصير الحين عمري 19 جني اغوو دادا ما اعرف اتدبر ولازم اعتمد على غيري ادري اذا طحت في احد يلقفني بس اذ يا اليوم اللي تحدني فيه الدنيا محد بيفيدني غير روحي اللي ما تعودت تسوي شي احس اني راح اضيع بالدنيا لاني ما مشيتها بروحي وتعودت احد يدليني
بث خلااااااااث قرقت وايد
رنوووم- عدد المساهمات : 614
تاريخ التسجيل : 04/08/2010
رد: ما هو الشيء الذي غير حياتك..؟؟
رنووومه..
اولا..
مشكوووره على مرورج اللي نورني
ثانيا..
احييج واشجعج على الكتابه لاني اشوف مافي شي في الدنيا احلى من الكتابه لانها بالنسبه لي exit بعد من كل همومي ..
ثالثا..
انتي توج صغيره تعلمي تعتمدين على نفسج حتى لو بأبسط الاشياء وبعدين رح تعلمين تعتمدين على نفسج بكل شي
ياااااااا حلاتها القرقه اللي منج
اولا..
مشكوووره على مرورج اللي نورني
ثانيا..
احييج واشجعج على الكتابه لاني اشوف مافي شي في الدنيا احلى من الكتابه لانها بالنسبه لي exit بعد من كل همومي ..
ثالثا..
انتي توج صغيره تعلمي تعتمدين على نفسج حتى لو بأبسط الاشياء وبعدين رح تعلمين تعتمدين على نفسج بكل شي
ياااااااا حلاتها القرقه اللي منج
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
للاسف مافي شي غير حياتي ( 21 ) سنة بدون انجاز او تغيير لكن لما علرفت علايتي ربي يخليها لي وحبيتها بدت تغير فيني اشياء شوية شوية بداءا من اني اخفف غيرتي الزايدة عالميك اب صرت ما اناشبها الى بدايتي بالدراسة واتمنى تغيرني اكثر وتساعدني لان جد وجودها بدى يغير شغلات وايد بحياتي اما اذا رادة علي لا والله هذا سيفوه وهذي خلاجينه اذا كان المثل صحيح
يعطيك العافية
يعطيك العافية
راقص القبور- Super Visor
- عدد المساهمات : 5231
تاريخ التسجيل : 07/01/2010
العمر : 35
الموقع : In A Lie We Call It LOVE
رد: ما هو الشيء الذي غير حياتك..؟؟
يويو..
الله يخليها لك انشالله ولا يحرمك منها..وجودها بحياتك خيره..
كفايه انك بتكمل دراستك هذا اكبر تغيير ممكن يصير بحياة اي شخص احمد ربك يا الغالي وشوف شنو الاشياء اللي تبي تغيرها بحياتك وابدا فيها من الحين..
الله يعافيك ويوفقك ويسلملي مرورك بو يعقوب
الله يخليها لك انشالله ولا يحرمك منها..وجودها بحياتك خيره..
كفايه انك بتكمل دراستك هذا اكبر تغيير ممكن يصير بحياة اي شخص احمد ربك يا الغالي وشوف شنو الاشياء اللي تبي تغيرها بحياتك وابدا فيها من الحين..
الله يعافيك ويوفقك ويسلملي مرورك بو يعقوب
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
النور نورك يسّاف اوك انا معاك توني صغيره بس بذمتك في وحده ما تعرف تكوي قميص في وحده ما تعرف تسوي بيض وترى ما خفى كان اعظم خلني ساتره عالموضوع
رنوووم- عدد المساهمات : 614
تاريخ التسجيل : 04/08/2010
رد: ما هو الشيء الذي غير حياتك..؟؟
اي والله صدقيني عادي واااااااايد في حتى في بنات ترا اذا بطلع هدوم ولا اندر وير تنادي الخدامه اطلع لها..
والله تتعلمين واذا انتي جاده وتبين تتغيرين تعلمي
والله تتعلمين واذا انتي جاده وتبين تتغيرين تعلمي
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
لا عاد مو لي هالدرجه مستحيل اخلي احد يتعبث باغراضي حتى غرفتي ما ينظفونها الخدم الا وانا فوق راسهم
ان شاء الله اتعلم بس شوي شوي عشان ما اطيح على شوك وشير
ان شاء الله اتعلم بس شوي شوي عشان ما اطيح على شوك وشير
رنوووم- عدد المساهمات : 614
تاريخ التسجيل : 04/08/2010
رد: ما هو الشيء الذي غير حياتك..؟؟
ههههههههههههههههه شفتي شلون يعني في اللي اردى
انشالله
انشالله
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
نظرة بنت لي ....كانت غير كل النظرات ...وعيون غير كل العيون.... نظرة خوفتني....بس حددت مسار حياتي وعرفت عن طريقها شو اللي اريده بعد ما كنت ضايعة ومب عارفة شو بادي بالدني .. ثانكس خوي على الموضوع لا هنت
haneen- عدد المساهمات : 684
تاريخ التسجيل : 23/10/2010
الموقع : الامارات - ابوظبي
رد: ما هو الشيء الذي غير حياتك..؟؟
ماتغيرت اشيه وايد في حياتي بس من حبيت تغيرت اشيه فيني ... الي احبه خلاني اصير اقوى واحس اني كبرت وصرت اعرف حق الدنيا وشلون اتعامل مع كل نوع من البشر واواجهه مشاكلي واحلهم بروحي وصرت احس انه في احد واقف معاي في هالدنيا عكس قبل كنت احس روحي ضايعه ومحد يقولي هاي صح وهاي غلط وسوي جي ولاتسوين جي كله بفضل الله ثم بفضله والحمدلله
ثنكس على الموضوع الرووعه
ثنكس على الموضوع الرووعه
سرابو- عدد المساهمات : 236
تاريخ التسجيل : 06/12/2010
العمر : 32
رد: ما هو الشيء الذي غير حياتك..؟؟
حنين+سرابو..
يسلملي مروركم الروعه ومشاركتكم الاروع
نورتووووني
يسلملي مروركم الروعه ومشاركتكم الاروع
نورتووووني
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
موضوع رائع جدا جدا جدا
اهنيك اخوي
عن نفسي .. اللي غير حياتي مرض الوالــد الله يحفظه .. وحادث تعرض له اثناء مرضه .. وبنفس الفترة وفاة خالتي اللي ربتني وخالي بعدها بجم شهر << كانت اقرب خواته ماتحمل فراقها (رحمة الله عليهم)
الحمدلله علي كل شي .. وعسي ان تكرهو شيئا وهو خير لكم .. من يومها صرت احاسب بتعاملي لأن اللي كانت تحاسبني باي صغيره وكبيره موموجوده .. ولازم اكون مسؤول اكثر واخفف شقاوه .. الحمدلله امي مومخلياني محتاج شي .. الله يخليها لي ويحفظها ..
مشكوور حبيبي .. تقبل مروري
اهنيك اخوي
عن نفسي .. اللي غير حياتي مرض الوالــد الله يحفظه .. وحادث تعرض له اثناء مرضه .. وبنفس الفترة وفاة خالتي اللي ربتني وخالي بعدها بجم شهر << كانت اقرب خواته ماتحمل فراقها (رحمة الله عليهم)
الحمدلله علي كل شي .. وعسي ان تكرهو شيئا وهو خير لكم .. من يومها صرت احاسب بتعاملي لأن اللي كانت تحاسبني باي صغيره وكبيره موموجوده .. ولازم اكون مسؤول اكثر واخفف شقاوه .. الحمدلله امي مومخلياني محتاج شي .. الله يخليها لي ويحفظها ..
مشكوور حبيبي .. تقبل مروري
abu.alsho0osh- عدد المساهمات : 524
تاريخ التسجيل : 14/09/2010
الموقع : fe 3eshg al5yaal
رد: ما هو الشيء الذي غير حياتك..؟؟
حبيب قلبي تسلم يا الغالي اخجلتني بصراحه
الله يرحم خالك وخالتك ويخليلك امك وابوك واهلك يا الغالي ويسلملي مرورك يا الغالي
الله يرحم خالك وخالتك ويخليلك امك وابوك واهلك يا الغالي ويسلملي مرورك يا الغالي
YouSiF- عدد المساهمات : 1157
تاريخ التسجيل : 16/08/2010
العمر : 31
الموقع : q8
رد: ما هو الشيء الذي غير حياتك..؟؟
يوسف.......... اشكرك على الموضوع
احلى شي لو كان التغير في حياتنا للافضل وتكون نقطة التحول صارت غصبا عنا والله مقدر هذا الشي او كان التغير من الشخص نفسه ان يقرر ان يتغير وبقوة ارادته يصنع حياته اليديده
اول شي غير حياتي كانت وفاة أمي الغاليه وبما اني الجعده( اخر العنقود) كان الوضع صعب حيل بالنسبة لي حسيت ان كل شي تغير وعقب عينها كل شي صار تافه
والتغير الثاني اني تعرفت بحبيبي وحياتي بوضاري وتغيرت حياتي وحياته بعد للافضل وبخبرته بالحياه فتح عيوني على وايد امور وكملنا بعض
احلى شي لو كان التغير في حياتنا للافضل وتكون نقطة التحول صارت غصبا عنا والله مقدر هذا الشي او كان التغير من الشخص نفسه ان يقرر ان يتغير وبقوة ارادته يصنع حياته اليديده
اول شي غير حياتي كانت وفاة أمي الغاليه وبما اني الجعده( اخر العنقود) كان الوضع صعب حيل بالنسبة لي حسيت ان كل شي تغير وعقب عينها كل شي صار تافه
والتغير الثاني اني تعرفت بحبيبي وحياتي بوضاري وتغيرت حياتي وحياته بعد للافضل وبخبرته بالحياه فتح عيوني على وايد امور وكملنا بعض
????- زائر
صفحة 1 من اصل 2 • 1, 2
مواضيع مماثلة
» موقف في حياتك
» من هو الشخص الذي تتمنى الجلوس معه ...؟؟!
» من هوا الشخص الذي تتمنى ان لا ترى دموعه ,
» الاعمى الذي ....!
» الكليب الذي ابكاني
» من هو الشخص الذي تتمنى الجلوس معه ...؟؟!
» من هوا الشخص الذي تتمنى ان لا ترى دموعه ,
» الاعمى الذي ....!
» الكليب الذي ابكاني
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى