!! مواقف غريبه و طريفه ما تنسي
3 مشترك
صفحة 1 من اصل 1
!! مواقف غريبه و طريفه ما تنسي
هاي ليديات و بويات
كل واحد فينا اكيد مر بمواقف محرجه .. غريبه .. طريفه ..و ما تنسي
شنو الموقف اللي احرجك و قص ويهك و عمرك ما راح تنساه ؟؟؟؟
يالله حبايبي فضفضواا .. محد غريب و شاركوا خالنضحك شوي
بالنسبه لي انا .. في موقف صار لي من شهر تقريبا .. كنت بمطعم رايح اتعشى مع ربعي .. عاد انا طبعي ما احب اروح حمامات المطاعم .. ما ارتاح .. امسك نفسي لين ارد البيت
بس هالمره كنت صج حصران و ما قدرت امسك نفسي .. فرحت الحمام .. كنت بمطعم لبناني اذكر .. المهم .. بخطوات سريعه تسبق البرق .. اتجهت للحمام و لما دشيت .. لقيته صغير يالله مرحاض واحد و من برا المغسله .. على المغسله .. انسه لطيفه على ما اظن مصريه .. لابسه حجاب و قاعده تعدل الميك اب <يعني صج
المهم .. دشيت انا و لقيتها بويهي .. انا حصران حددي بدش الحمام ميت .. بس لاحظت ان المراه قاعده تخز بطريقه غريبه .. جنها مستغربه من شي .. انا على بالي في شي بس بقيت اطنشها و ادش و انا بفتح الباب الداخلي مال التويلت .. لفت على .. لانها كانت تطالعني من المنظره و قالت : لو سمحت .. دا حمام الحريم
انا الحين ميت من الحصره و هذه ماادري من وين طلعت لي .. وقفت على الباب وتنحت .. يعني شتبين انتي ؟؟
عاد لما ركزت بويهي .. جان تتردد و تسال : انت بنت
دشيت الحمام و رديت عليها و انا اصك الباب : شراااايج يعني
و هي انحرجت .. انا قاعد ابول داخل و اسمعها من برا تتكلم هههههههه و صوتها مصدووم
" انا اسفه و الله .. على بالي راجل .. مش قصدي بس لانك لابس كاب و شكلك من بعيد لخبطلي مخي .. و الله اسفه "
ههههههههههههههههههههههههههههههه و انا ابوول و ارد عليها " عادي عادي حصل خير " وعلى ما خلصت الا اهي منحاشه و طالعه
موقف ثاني .. صار لي و انا طالع مع اختي الحلوه .. اختي عاد بنوووته .. و جميله .. اسالوا يويسف هههههههههه المهم مره احنا طالعين رايحين الافنيوز داشين فيلم بالليل .. و احنا طالعين بالباركنق رايحين السياره .. و لا جيب فيه شباب يوقفون لنا عشان نعبر الشارع .. كوول .. طبعا انا بثقتي المعتاده خخخخ عطيت اللي يسوق الحركه هذي لما ترفع راسك بقصد تقول حق احد ثانكس .. و مشينا
اللي يسوق تنح على انا !!! خفف السياره .. طلع من الدريشه.. و قام يخزني خززز .. انا مشيت .. طنشته .. عارفين انتو الشباب خراا يعني لما يقعدون يتحرشون فينا .. و الوقت متاخر .. و انا و اختي بس اللي موجودين .. الباركينج فاضي .. جان يقعد الاخ يتحلطم و يقول .. انا على بالي بيتحرش باختي .. بس لا .. عينه على كانت و قام يخربط و يقول " شنو هالثقه انت جذي ماشي و لا هامك احد .. شعليك شعليك " انا ما رديت ... طنشته .. بس اختي انبطت جبدها جان تقوله " شتبي انت .. طاع هذااا شلون طالع من الدريشه " عاد اختي ام لسانين ههههههههه
هذا انبطت جبده اكثر يوم اختي زفته .. جان يقول " بعد تدافع عنك ؟؟ ما ترضى عليك .. اي عدل عدل .. ماشي مع هالحلوه اشكره بهالحزه .. اناااا ما سويتهاا .. من قدك .. لا لا انت بطلي بصراحه
انا هني عاد بط جبدي .. قتله : اقوول .. توكل توكل
بس هو ظل واقف و يوم ركبنا السياره قال : بعد ؟؟؟ هي اللي مطلعتك < كانت اختي اللي تسوق خخخخخ
عاد اختي من الحره .. مع انها ما تواطن الليز .. بس بط جبدها هذا لانها تعزني وايد و ما تبيه يحرجني .. جان تقوله : اي و بتنام عندي بعد هههههههههههههههههههههههههههههههههههههه مووت قهر
و الله العظيم لو تشوفون ويهه .. تفطسون ضحك .. كان بالسياره مع صاحبه .. مجابلين بعض و ماكو شغل قاعدين يقزون بالشارع الساعه 2 الفير .. و يشوفون بويه و معاها هالحلوه .. و الله انه كسر خاطري .. احس فيه تحبط .. راح مشى هههههههه بقيت اقوله ترا و الله اختي خخخخخ بس قلت خله ينقهر .. محد قاله يتحرش
هذه المواقف اللي صارت لي من فتره قصيره .. و حبيت اشاركم فيها .. يالله الدور الحين عليكم .. نبي مواقف حلووه عاد اوكي ؟؟ عن اي شي .. بس انه موقف غريب و ذاكره
بانتظار مشاركاتكم
q8boya- عدد المساهمات : 301
تاريخ التسجيل : 03/08/2010
العمر : 38
الموقع : kuwait
رد: !! مواقف غريبه و طريفه ما تنسي
هههههههههههههههههههههههههههههههه ولك فطست من الضحك اتخيل شكلك عاد ههههههههههه
والله وايد تصير لي مواقف بس الحين مو متذكر لان تدري اسبوع المرور ملخبط كياني
والله وايد تصير لي مواقف بس الحين مو متذكر لان تدري اسبوع المرور ملخبط كياني
راقص القبور- Super Visor
- عدد المساهمات : 5231
تاريخ التسجيل : 07/01/2010
العمر : 35
الموقع : In A Lie We Call It LOVE
رد: !! مواقف غريبه و طريفه ما تنسي
اذكر مره خواتي طالبين من الدكاان وذاك اليوم انا معصبه لان ابوي ما خلاني اطلع المهم جا راعي الدكان يدق الباب ومن خيبة حظه اني انا اللي فتحت الباااب وانا معصبه اقول منووووو بصوت عالي وقوي قال انا بابا فتحت الباب بقوه والمسكين قالي والله بابا ما سويت شي هههههه وربي رحمته وقتله خلاص وعطيته الفلوووس وراح يركض
عمري ما راح انسى هالموووقف لاني لزقت بويها وانا معصبه واصااارخ حسيته بيصيح خخخخخ
مسكين ياااه فلم رعب ذاك اليوووم
يسلمووو يا الغلاااا على المووووضوع الله يعطيك العاااافيه
عمري ما راح انسى هالموووقف لاني لزقت بويها وانا معصبه واصااارخ حسيته بيصيح خخخخخ
مسكين ياااه فلم رعب ذاك اليوووم
يسلمووو يا الغلاااا على المووووضوع الله يعطيك العاااافيه
KOKO- عدد المساهمات : 232
تاريخ التسجيل : 21/04/2011
مواضيع مماثلة
» قصه طريفه عن القرآن
» اسماء غريبه ومضحكه
» اخبار صحيه غريبه
» مواقف el-Barca
» نكت أو مواقف طريفة من البرودكاست 2011
» اسماء غريبه ومضحكه
» اخبار صحيه غريبه
» مواقف el-Barca
» نكت أو مواقف طريفة من البرودكاست 2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى