اترك المنتدى استاذنكم واعتذر منكم... وبترك فيديو سوفينير مني ... :)

اخواني وخواتي اعضاء منتدى Boyat & Manish

اعتذر لكم لانه سيكون هذا اخر ما تقراونه من كتاباتي ,, الصراحة انا فكرت وايد قبل ما اتخذ هيدا القرار واخذته من كل الجوانب بس لقيت انه قرار سليم رغم ان الصراحة حبيتكم من كل قلبي وكنت وايد متحمسة اول ما دخلت المنتدى ولقيت الترحيب منكم ارتحت واايد اني اتعرفت على اناس لهم ميولي وقلوبهم طيبة .. حسيت بالفعل انكم اهلي .. اللي اقدر اعبر معاكم عن كل اللي في قلبي .. وكل اللي افكر فيه ..والاقي منكم النصح .. حتى اني شوي شوي ابتعدت عن عالمي وربيعاتي وما الاقي عمري الا فتحت ماي لاب توب ودايركت دخلت المنتدى .. كنت احس براااحة اني في بيتي اللي اقدر اكون فيه على طبيعتي واتكلم فيه مع اخوتي براحتي ... ولكن للاسف .. مؤخرا صرت احس بعمري اني رغم اني بينكم الا اني احس اني بروحي ... احس ان ما تغير شي بحياتي غير اني ابتعدت عن حياتي وربعي ... اقضي وقتي بين صفحات المنتدى اقلب فيها بروحي .. انا يوم لقيت المنتدى كنت اعتقد اني الاقي اصحاب ..اصحاب اقدر اكلمهم يوم اكون فرحانة او يوم اكون مضايقة ..اتعرف عليكم اكثر واقترب منكم اكثر ... انا الحمد لله عندى ربيعاتي اللي افداهم بروحي ... بس انا ابي يكون عندي ربع لهم مثل ميولي ..وكنت اعتقد اني لقيتهم ..والظاهر اني كنت غلطانة .. معظم الوقت ادخل المنتدى وما الاقي احد .. احس اني ابي اكلم احد .. بس ما اعرف كيف!! .. اجلس كل ليلة وانا بالمنتدى اما بروحي او يكون 3 اعضاء لا اكثر يعلقون ويضهرون ... انا يوم اكتب ما انتظر تعليق الا يوم يكون موضوع للنقاش . . غير جي انا اكتب للافادة و لاغناء المنتدى ... اشكر كل اللي علق على مواضيعي بس انا يوم دخلت كنت اعتقد ان رح اكتسب صداقات اكثر من ان تكون المسالة كتابة موضوع وتعليق .. انا حاولت اقترب منكم وطرقت بابكم .. بس ما لقيت جواب .. حياتي الحين صارت سيئة لاني اقضي وقت اكثر على النت ..طبعا في المنتدى .. ابتعدت عن هلي ودراستي و ربيعاتي بوقت يحتاجوني فيه وما يلاقوني لجل المنتدى .. اقرا وايد لجل انقل مواضيع مفيدة واختار اشعار تعبر عن اللي بقلبي وقلوبكم ..حتى اني احتفظ بمواضيع حق بكره وبعده هههه ..ما ادري لفترة استوى المنتدى ادمان ..بولا تستغربون لان كنت "بحاجة " اكون قريبة من اشخاص لهم ميولي الحين استوى بارد بالنسبة لي ... عبارة عن صفحات اقلب فيها واضيف عليها واقوم ارقد ..
اخوتي انا وربي احبكم من كل قلبـــي وربي يشهد على اللي اقوله بس انا كنت ادور ربع وما ظن اني لو بقيت سنين هني الاقيهم ...
ابي اقول لاختي شيري اشكرج وايد على استقبالج لي في المنتدى واعتذر على تركي له .. واشكرج مرة ثانيه وربي يوفقج .. مممواه
خوي ادمن : قريت مواضيع وتعليقات لك .. صراحة تعليقاتك تعكس وبقوة ثقافتك وقوة شخصيتك .. ربي يوفقك ويبارك فيك..
خوي راقص... شخصيتك قريبة على القلب وااااااااايد وقلبك ابيض .. وكنت معظم الوقت اقرا تعليقاتك واضحك من قلبي ... ربي يوفقك ويكون دربك اخضر دووم ..موفق خوي
اختي حلوة موت .. شخصيتك قوية واللي بقلبج على راس لسانج يعني صريحة حتى لو كا ردج قاسي .. بس لمست فيج طيبة قلب وحنية .. ومثل ما قلتي قلبك ابيض وهذا واضح من خلال التعليقات اللي تكتبينها ربي يوفقك وتكون كل ايامك حلوة مثلك ..
خوي لوتي .. اتمنى لك التوفيق من كل قلبي وتلاقي الوظيفة اللي خاطرك فيها وتحقق كل اللي خاطرك فيه ...وتتيسر امورك
خوي كويت بويا ... الانطباع اللي اخذته عنك هو ... طيبة القلب ربي يوفقك بكل خطوة تخطيها ..
خوي يوسف...انطباعي عنك ان انت انسان راقي وهادي وذوووق .... ربي يوفقك خوي من كل قلبي : )
اختي بيشو...حبيتج واااايد .. ورح تبقى كلمة ياللللللللللللوز بعقلي طوووول عمري ههههه فديتج والله .. ربي يوقفك..
اختي رنوم ... الحين كل ما اسمع باركس اتذكرج ههههههه فديتج وربي .. ما رح اساكي ابد رغم ان ما كلمتج بس يوم اسمع باركس تجين دايركت على راسي هههه .. ربي يوفقج يالغلا...
خوي ابو الشوش ... انسان طيب لابعد الحدود ومثقف وواعي وحنون و اسلوبك راقي بالحديث ..وقد حالك متل ما بقولو هههه ما شالله علايك .. ربي يوفقك خوي ...
حطموك ياقلبي .... فديتج وفديت قلبج والله : ) انسانة راقية وشخصيتك قوية وواثقة ... وووو مهضووومة ! ههههه موفقة قلبي .. و عسى تقابلين الحب اللي يقدرج ويعافي قلبج ويحافظ علايه ... تستاهلين كل خير يالغلا ... موفقة قلبي ..
بوية فهد ... انسان طيب و هادي .. ربي يوفقك خوي ..
بوية فوكسي ... انسان مثقف واسلوبك راقي بالتعامل والكلام .. وصدج انسان فوكسي باجاباتك .. ذكي .. ربي يحميك ويوفقك

اوك الحين بودعكمـــ وموفقين


وهيدا الفيديو سوفينير سويته مني لاجل احلى ناس بالدني كلها ورح تبقون بقلبــــي طول ما فيني روح


[ندعوك للتسجيل في المنتدى أو التعريف بنفسك لمعاينة هذا الرابط]

اتمنى ان يعجبكمـــ وابي اعرف رايكم فيه

فديتج والله اختي حلوة وما قصدي يعور قلبج الفيديو فديييته لقلبج انا .. اممم تدرين اختي هيدا القرار فكرت فيه واااايد... واقول لا ما اقدر بس صرت مدمنة بكل للكلمة من معنى للمنتدى حتى ولو كنت باوقات موجودة لوحدي فيه .. ههه بس ليه اضحك على عمري انا كنت ابي صداقات وكون قريبة منكم اكثر بس الظاهر مارح اقدر انسجم معكم وهيدي حقيقة ... اشتريت فلاش نقلت علايه مواضيع الي وتعليقات منكم وهيدا الفلاش سميته boyat & manish ورح يكون سر صغير بحياتي ..
وبالنسبة للهجتي امم صراحة انا كتابة ثطورة باللهجة الاماراتية بس كلام لاا هههه دايما ربيعاتي الاماراتيات يقولون لي تكفيــــن لا ترمسين اماراتي .. ما يليق ههههههه بس امكس اماراتي لبناني .. ويوم دخلت المنتدى دخلت بكلام اماراتي لان لقيتكو كلكم من خليج وقلت اكيد ما رح يفهمون علايه .. ومشيت الامور سوري طولت علايكي وموووفقة حياتي مممممواه

فديتج حنين ياقلبي انتي انتي الوحيده الي تشدني مواضيعج كلامج حده عجييب واسلوبج وطريقة كلامج بالشعر وااايد حلوه وصدقيني مكااانج راح يكون فاضي ورااااح تكونين بالقلب حياتي انتي فديت من تفداني اتمنى تغيرين رايج وتظلين معانا بالمنتدى

وانا راي من راي حلوه موت وبيشوو
تعودنا عليك بليز راجعي قرارك
واذا كنتي متاكده ومقتنعه فيه اتمنالك من قلبي كل التوفيق
بس هذا مايعني انه علاقتنا بتنقطع لان دايما بنبقى على تواصل واطمن عليك
لا تتسرعي انتي عضوه مميزه ومكانك كبير بقلوبنا

اختي بيشو .. احرجتيني وااايد بكلامج اشكرج وايد ياللللوز كلمتك هيدي رح تبقى دايما براسي ههه فديتج .. وبالنسبة لقراري انا طبعي يوم اتخذ قرار ما اتراجع عنه .. انتم استقبلتوني وفتحتو بابكم لي وانا واجبي اضهر واكرمكم مثل ما كرمتوني باستقبالكم اللي ما رح انساه ابد ....حبيبتي انتي ..ثانكس واايد بيشوووو

اممم بث ليه ما قلتي لي رايك في الفيديو

ما عجبج ؟

تسلمين اختي حلوة .. من ذوقج وطيب اصلج وربي ..

اشكرك خوي فهد من ذوقك وربي ... واتمنى لك التوفيق بحياتك من كل قلبي ... وكنت دايما ابي اقول لك ان توقيك وااايد مهضوم ...ههه وانا برفع يدي بعد
تسلم خوي و بعد انت ما حبيت الفيديو ؟ كح فشلة

بالعكس حنين الفيدو وايد مؤثر وعجبني حييييل ورح حمله عندي لعيونك لاجل كل ما اسمعه اتذكرك

خوي راااقص ...من بين اقوى شخصيات الفوريوم ... فديتك وربي لا خوي القصة مب جي .. اممم صراحة من صوبي احس استهلكت روحي في المنتدى وابتعدت واايد عن حياتي لاني " محتاجة" كون مع حدن مثلي وبميولي ... بس وصلت حدي وتعبت نفسيا واحس عمري مثل الدايخة .. ما بعرف واين انا ... محتاجة وااااايد كون قريبة منكم وبذات الوقت بعيدة .. واحاول ابتعد عن المنتدى بس ارد وافتحه وافتحه واحس ان شي يدفعني اني كون بالمنتدى ...بس كرميل شو .. ما بعرف .. بس ارتاح .. بس بذات الوقت تعبت من ناحية الدراسة والتحضير للفاينل ومن ناحية ابتعادي عن هلي وربيعاتي بفترة بعد الكوليج .. لان بكون بالمنتدى .. صج ادمنت علايه.. وقررت اتركه نهائيا وابتعد لاجل انساه ... بس انتم انحفرت اسمائكم بقلبي وما بنساكم ابد ... ثااانكس واااايد وربي ما قصرتو معي .. بحبكم

اممم خوي راقص انت بعد ما عجبك الفيديو؟؟؟

بـويـه خـقـه فـهـود كتب:بالعكس حنين الفيدو وايد مؤثر وعجبني حييييل ورح حمله عندي لعيونك لاجل كل ما اسمعه اتذكرك

اشكرك خايه فهد ... من ذوقك ..وانا ما بنساك وما بنسى طيبتك ابـــد

لا تطلعين حنين ماااحب الوادع ولا كلمته
انتي ترومين ترتبين حياتج والله وكلنا بنساعدج
بعدين شي جاات ترومين تسولفين ...

حنين حبيبتييييييييييييييي
اول شي الفيديو روووووووووووووووعه وربي حبييييييييته ويعطيج الف عافيه عليه
ثاني شي انا احترم قرارج بس ما أئيدج لأنه اغلبنا مرينا باللي مريتي في انا اول كنت 24 ساعه بالمنتدى وساعات يضيق خلقي ما القى احد بس بالنهايه كلنا نرد ونتيمع فبيتنا لأنه كل شخص عنده ظروفه وكاني الحين عندي ظروف تمنعني اني اتواجد على طول بالمنتدى فا كل ماصار عندي وقت دخلت وسولفت وضحكت وعلقت..
انتي كل اللي عليج تسوينه انج ترتبين امورج وقت لج و وقت لرفيجاتج و وقت لأهلج و وقت لنا
افا بس افا يهون عليج تخلينا وتروحين
انا انطر اشعارج اول بأول انتي انسانه حساسه وهاديه ورومانسيه وهذا اللي يميز مواضيعج واذا طلعتي والله رح نشتاقلج
فكري عدل حنين افا عليج بس تبيعينا واحنا اهلج

الحين حنين الكل قالج كلامه وانتي مازلتي مصره انج ما تقعدين بالمنتدى ، وشي بالجبر موحلو سوا الي يريحج وبيظل المكان مكانج واتمنى تحصلين الحب الي تدورين عليه .

افا عليج بس تسلطين الشوق علينا

براحتج اختي بتظلين يا بختنا فيج بتروحين الله وياج و ابيج تعرفين اذا انج طلعتي من المنتدى مو معناته انج تطلعين من البال انتي تقولين كان ودج بربع الكل هني طالب وجود شتسمين هالشي وانتي ما صار لج فتره طويله من دخلتي المنتدى

عالعموم معانا و لا مخليتنا اهم شي صار لنا الشرف وتعرفنا عليج يا عسل

بعدين منو بيحط هالفيسات باخر رده

تعودت اشوفهم بردودج و يذكروني فيج