نمازج للتصميم غرف النوم الطراز المعاصر ..

انا بروحي تطلع عيني من الصبح لي بالليل وانا شغاله ولويه دوخه راس مع هالبيت واخر شي يجوني ناس يبون يصيفون عندنا ويقطون روحهم علينا والا بعد ياخذون غرفتي والله لا مالهم قعده خصوصا بالليل اجي تعبانه وين ارقد بالارض . مااسمح لهم خصوصا حق الناس الي ما ينعطون ويه والله لو عندي سلاح ثورت فيهم .

تذكرت رفجيتي خليجيه قالت لي حنون ابي بس يوم واحد اجي انام في بيتكم ماابي اخسر حق الفندق .

عاد الوالد شافها وقالها لها حياج الله يابنتي اذا يتي البحرين لاتلفين وتدورين وتروحين فندق تعالي سكني عندنا تراج حسبت بنتي والله كانها ما صدقت اسبوعيا تيي خصوصا لانه عندها جامعه انا انحرجت لانه صار المصرف علي لي درجه صارت تي بيتنا بدون سابق انذار.. اهني اذكر كلمته لانه وصلت حدي وقلت لها اشلون تجين بيتنا ومافي بالبيت الا الخدامه وابوي راقد وداقه علي تقول مفاجاه انا جيت وانا يم بيتكم اذكر كنت بالمطعم مع خواتي وامي والله تضايق وااايد لانه صارت ثقيله وتدلع وماتساعد. توقعوا شنو قلت لها اول شي تمالكت نفسي وتكلمت بهدوء وقلت المكان الي جيتي منه ردي له الا تقول شتقصدين قلت لها اعتقد فهمتي عصبت رفيجتيى وراحت فضحتني عند البنات بس بنات يعرفون حنون عدل يوم خذوا السالفه مني قالوا الي سوته فلانه غلط الواحد ما يغط نفسها على ناس واهي ماعليها قصور واهلها خير عندهم توقعوا تزاعلنا فتره طويله وللحين وده تجي تنام عندي لكن انا ماعطتها طاف . ابوي يحب يقول امثال قديمه كان يقولــه

لاتكثر دوس ياخلي يملونك لا انت ولدهم والا انت طفل يربونك .